कोरोना बीमामा साढे २ अर्ब दावी भुक्तानी, १० अर्बको दावी पर्ने अनुमान

माघ १, २०७७ | आजको अर्थ
ajaako_artha

काठमाडौं –कोरोना बीमामा हालसम्म रु. २ अर्ब ४६ करोड २७ लाख ७५ हजार भन्दा बढी भुक्तानी भएको छ । बीमा समितिको पुस मसान्तसम्मको तथ्यांकले यस्तो देखाएको हो । 
पुस २९ गतेसम्म २५ हजार ३१३ जनाले कोरोना बीमा बापत दावी भुक्तानी लिएको बीमा समितिको भनाइ छ । यस्तै, १८३ ओटा आवदेन भने दावीका लागि योग्य नभएको पनि देखिएको छ । 
पहिला कोरोना बीमामा दावी भुक्तानी ढिला भयो भने निकै आलोचना भएको थियो । तर, पछिल्लो समय भने कोरोना बीमाको दावी भुक्तानी फास्ट ट्रयाकमा हुने गरेको छ ।
सबै निर्जीवन बीमा कम्पनीहरुले पुल मार्फत यो कारोबार गर्दै आएको हुनाले हाल नेपाल बीमक संघ र शिखर इन्स्योरेन्सले यसको दावीको कार्य गर्दै आएका छन । त्यसमा हालसम्म ५१ हजार ७१७ ओटा आवेदनको पुरा कागजपत्र आएको छ । त्यसमध्ये यतिका मात्रामा दावी भुक्तानी भएको हो । 
यस्तै, संघले १४ हजार १६५ ओटा आवेदन पीसीआर रिपोर्ट प्रमाणीकरणको लागि स्वास्थ्य मन्त्रालयको इडीसीडीमा पठाएको छ । त्यसमा ६ हजार १२५ ओटा प्रमाणिकरण भइसकेको छ भने ८ हजार ४० ओटा पेन्डिङमा रहेको छ । 
यस्तै, थप ७४७ आवेदन मन्त्रालयमा पठाउनका लागि तयार पारिएको छ । यस्तै, कागजपत्र पुरा नभएपछि २ हजार ७२१ आवेदन बीमा कम्पनीहरुलाई नै फिर्ता पठाइएको छ । यसका अलावा १० हजार ९७४ आवेदन बीमक संघको भेरिफीकेशन प्रक्रियामा रहेका छन ।
पछिल्लो समय दावी आवेदन पनि बढ्दै गएको छ । हालसम्म ५१ हजार भन्दा बढी आवेदन आएको हुनाले रकमका आधारमा करिब ५ अर्ब रुपैयाँको दावी परिसकेको छ । समग्रमा कोरोना बीममा १० अर्ब रुपैयाँको हारहारीमा दावी पर्ने अनुमान बीमा कम्पनीहरुको रहेको छ ।

कमेन्ट गर्नुहोस्

तपाईंको ईमेल गोप्य राखिनेछ ।

This site is protected by reCAPTCHA and the Google Privacy Policy and Terms of Service apply.

बुलियन मार्केट

विनिमय दर

मुद्राखरिदबिक्री
U.S. Dollar१२२.०३१२२.६३
European Euro१३१.६६१३२.३१
UK Pound Sterling१५०.८७१५१.६१
Swiss Franc१२५.०९१२५.७१
Australian Dollar७७.७८७८.१६
Canadian Dollar८६.९२८७.३५
Singapore Dollar८५.६५८६.०८