आज कारोबारको तेस्रो दिन नेपाल स्टक एक्स्चेन्ज नेप्सेमा दोहोरो अंकको गिरावट आएको छ ।
हिजो मात्र नयाँ रेकर्ड कायम गरेको नेप्सेमा आज २७ अंकको गिरावट देखिएको छ ।
आज नेप्से २७.३६ अंकले घट्दा २५ सय ३४.१२ को विन्दुमा पुगेको छ ।
आज नेप्सेको ट्रेड म्यानेजमेन्ट सिस्टम (टिएमएस) मा आएको प्राविधक समस्याका कारण कारोबारको समय ३५ मिनेट थप गरिएको थियो ।
समय थप भएसँगै आज नेप्सेमा कारोबार रकम भने बढेको छ । आज नेप्सेमा ३ बजे सम्ममा जम्मा ५ अर्ब कारोबार भएको मा ३५ मिनेट समय थप हुदाँ कारोबार रकम ८ अर्ब १४ करोड पुगेको छ ।
आज कारोबारमा आएका १९४ कम्पनीहरु मध्य १२५ कम्पनीको शेयर मूल्य घटेको छ भने ३२ कम्पनीको शेयर मूल्य बढेको छ ।
आज फाइनान्स र विकाश बैंकको उपसमूह मात्र बढेको छ ।
प्रतिक्रिया