काठमाडौं- कुमारी इक्वीटी फण्डमा माग गरे भन्दा ३५ प्रतिशत बढी आवेदन प्राप्त परेको छ । 

कुमारी ईक्वीटी फण्डले फागुन १४ गतेदेखि फागुन २५ गतेसम्म प्रति इकाई मूल्य रु. १० अंकित दरको आठ करोड इकाइ निष्काशन तथा बिक्री खुल्ला गरेको थियो । 

निष्काशन तथा बिक्री बन्द गरिएकोमा आवेदकहरुबाट माग गरे भन्दा ३५ प्रतिशतले बढी इकाई खरिदका लागि आवेदन आएको थियो । 

कम्पनीले आफूहरुप्रति देखाएको विश्वसनीयता प्रति सबै लगानीकर्ताहरुमा हार्दिक कृतज्ञता व्यक्त गरेको छ । 

यस निष्काशन कार्यमा सहयोग तथा सद्भाव प्रदान गर्ने नेपाल धितोपत्र बोर्ड, कम्पनी रजिष्ट्रारको कार्यालय, नियमनकारी निकायहरु, लगानीकर्ता आवेदकहरु, सि–आश्वा सदस्य बैंक तथा वित्तीय संस्थाहरु, सम्पूर्ण शुभेच्छुकहरु तथा सम्बन्धित सबै निकायहरुमा पनि कम्पनीले धन्यवाद ज्ञापन गरेको छ ।