काठमाडौं – सिटिजन्स इन्टरनेशनल बैंक र तिनाउ मिसन डेभलपमेण्ट बैंकले आगामी चैत १४ गतेदेखि एकीकृत कारोबार गर्ने भएका छन् । दुवै बैंकले आज एक सुचना जारी गर्दै चैत १४ गतेदेखि एकीकृत कारोबार गर्ने जानकारी दिएका हुन् । 
सिटीजन्स बैंकले तिनाउ मिसनलाई प्राप्ती गरेर एकीकृत कारोबार गर्न लागिएको हो । प्राप्ती पछि सिटिजन्स बैंक इन्टरनेशन लिमिटेडको नामबाट नै एकीकृत कारोबार हुने बताइएको छ । 
यी दुई बैंक बीच गत पुसमा मर्जर सम्बन्धी सम्झौता भएको थियो । त्यसपछि आवश्यक प्रक्रिया पुरा गरेर एकीकृत कारोबार गर्न लागिएको हो । 
यसका लागि दुवै बैंकले गत माघ १५ गते गरेको अलग अलग साधारण सभाले मर्जरमा जाने प्रस्ताव पारित गरेका थिए । साथै, गत चैत ९ गते राष्ट्र बैंकले पनि एकीकृत कारोबार गर्न स्वीकृति दिएको थियो । त्यसपछि एकीकृत कारोबार गर्न लागिएको हो ।
साथै, एकीकृत कारोबार प्रयोजनका लागि आगमी १३ गतेखि दिउँसो ३ बजेदेखि १४ गतेसम्म नै दुवै बैंकको बैकिङ सेवा बन्द गरिने छ । दुवै बैंकको विवरणलाई एउटै सफ्टवेयरबाट कारोबार गर्न डेटा माइग्रेसन गर्नका लागि सो अवधीमा बैंकिङ कारोबार नहुने बताइएको छ ।