बुधबार, ३१ बैशाख २०८२
_SXIqiw5eV5.jpg)
३३.३३ प्रतिशत जनसंख्यामा बीमाको पहुँच पुर्याउने सरकारको लक्ष्य चुनौती पूर्ण, ७ दशकको अवधिमा २३.४ प्रतिशत
आजको अर्थ संवाददाता
शुक्रबार, २१ जेठ २०७८, ०८ : १६
काठमाडौं - सरकारले आगामी आर्थिक वर्षमा जीवन बीमाको पहुँच १ तिहाइ नेपाली अर्थात् ३३.३३ प्रतिशत जनसंख्यामा पुर्याउने महत्त्वाकांक्षी लक्ष्य लिएको छ ।
गत शनिवार अर्थमन्त्री विष्णुप्रसाद पौडेलले आगामी आवमा बजेट प्रस्तुत गर्दै बीमाको पहुँच १ तिहाइ जनतामा पुर्याउने बताए । तर, त्यो लक्ष्य प्राप्त गर्न सहयोग पुुग्ने गरी आवश्यक कार्यक्रम ल्याउन उनको बजेट मौन देखिएको बीमा कम्पनीहरूले बताएका छन् ।
मन्त्री पौडेलले नै सार्वजनिक गरेको चालू आवको सर्वेक्षणअनुसार फागुन मसान्तसम्म बीमाको पहुँच २३.४ प्रतिशत जनतामा पुगेको छ । बीमा समितिले भने आगामी असारमसान्तसम्म बीमाको पहुँच २७ प्रतिशत नेपालीमा पुग्ने बताएको छ ।
आगामी आवमा थप ६.३३ प्रतिशत अर्थात् १९ लाख २१ हजार ६६ जना नेपालीमा बीमाको पहुँच बढाउनुपर्ने चुनौती पूर्ण रहेको कम्पनीहरू बताउँछन् ।
बीमाको व्यवसाय शुरू भएको ७ दशकको अवधिमा बीमाको पहुँच जम्मा २३.४ प्रतिशत जनतामा पुगेको छ । अब छोटो समयमै त्यो ३३.३३ प्रतिशत जनतामा पुर्याउन कठिन हुने बीमा कम्पनीहरू बताउँछन् ।
शुक्रबार, २१ जेठ २०७८, ०८ : १६
प्रतिक्रिया