काठमाडौं - सिद्धार्थ इन्स्योरेन्स कम्पनी लिमिटेडले आजदेखि आफ्ना शेयरधनीहरूको हितग्राही खातामा नगद लाभांश जम्मा गर्ने भएको छ ।

जेठ २८ गते सम्पन्न भएको कम्पनीको उन्नाइसौँ वार्षिक साधारण सभाले पारित गरेको ३.७८ प्रतिशतका दरले नगद लाभांश बुक क्लोज हुनुभन्दा अघिल्लो दिनसम्म सेयर अभौतिकिकरण गराएका शेयरधनीहरुको हितग्राही खातामा अद्यावधिक भएको बैंक खातामा जम्मा गरिने कम्पनीले जनाएको छ । 

कम्पनीको जेठ २८ गते सम्पन्न भएको वार्षिक साधारण सभाले गत आर्थिक वर्षको मुनाफाबाट ३.७८ प्रतिशतले हुन आउने नगद लाभांश (लाभांश करसहित) र १२ प्रतिशतले हुन आउने बोनस सेयर वितरण गर्ने प्रस्ताव पारित गरेको थियो । 

त्यसमध्ये कम्पनीले सर्वप्रथम नगद लाभांश खातामा पठाउन सुरू गरेको हो । सभाबाट पारित भएको १२ प्रतिशत बोनस सेयर सूचीकरण भएपश्चात् सम्बन्धित शेयरधनीको खातामा जम्मा गरिने पनि कम्पनीले जानकारी दिएको छ ।
।