शुक्रबार, ०२ जेठ २०८२
ताजा समाचार
ग्रामीण विकास लघुवित्तको साधारण सभा भोलि, के के छन् एजेन्डा ?
आजको अर्थ संवाददाता
शुक्रबार, ०४ भदौ २०७८, १४ : ३७
काठमाडौं, ग्रामीण विकास लघुवित्त वित्तीय संस्थाको छैठौं वार्षिक साधारण सभा भोलि (शनिवार) हुने भएको छ ।
कम्पनीले सभा बिहान ११ बजे कम्पनीको प्रधान कार्यालय बुटवलमा भर्चुअल माध्यमबाट हुने जानकारी दिएको छ । सभाले आव २०७६र ७७ को वार्षिक प्रतिवेदन छलफल गरी पारित गर्नेछ ।
सभाले ग्रामीण विकास लघुवित्त र अन्य कुनै पनि लघुवित्त एक आपसमा गाभ्ने गाभिने तथा प्राप्ति गर्ने प्रयोजनको लागि आवश्यक कार्यहरु गर्नका लागि सञ्चालक समितिलाई अख्तियारी प्रदान गर्ने प्रस्ताव पनि पारित गर्नेछ ।
साथै, संस्थापक समूह अन्तर्गतका नेपाल सरकार र नेपाल राष्ट्र बैंक बाहेकका बैंक तथा वित्तीय संस्थाहरु,कम्पनी,संस्था र शेयर सदस्यहरुबाट प्रतिनिधित्व हुने गरी आपसी समझादारीबाट मनोनित वा निर्वाचित हुने दुई जना सञ्चालक चयन गर्ने र सर्वसाधारण समूह ख अन्तर्गतका शेयरधनीबाट दुई जना सञ्चालक चयन गर्ने प्रस्ताव पनि पारित गर्नेछ ।
शुक्रबार, ०४ भदौ २०७८, १४ : ३७
प्रतिक्रिया