काठमाण्डौँ - समस्याग्रस्त बैंक तथा वित्तीय संस्थाहरुलाई गाभेर बलियो बैंक बनाई उदाहरणीय काम गरेका अशोक शेरचनलाई प्रभू बैंकले प्रमुख कार्यकारी अधिकृतमा निरन्तरता दिएको छ ।
सेञ्चुरी कमर्सियल बैंकलाई मर्ज गरी केही दिन अघिदेखि एकीकृत कारोबार सुरु गरेको ठूलो साइजको प्रभू बैंकको सीइओमा शेरचनले नै निरन्तरता पाएका हुन् ।
उनी यस अघि पनि दुई कार्यकाल सीईओ भइसकेका छन् ।
बैंकका अध्यक्ष लीलाप्रकाश सिटौलाका अनुसार बिहीबार बसेको सञ्चालक समिति बैठकले शेरचनलाई सीईओमा निरन्तरता दिने निर्णय गरेको बताए ।
शेरचनको कार्यकाल ४ वर्षको हुने छ । यसअघि उनी ०७५ माघमा सीईओ नियुक्त भएका थिए ।
सेञ्चुरी बैंकसँग मर्जरको सम्झौता गर्दा भएको सहमति अनुसार नै शेरचनलाई पुनः सीइओमा नियुक्त गरिएको सिटौलाले जानकारी दिए ।
प्रतिक्रिया