काठमाडौं – पर्यटनमन्त्री सुदन किराँती पहेलो जाकेट लगाएर देखा परेपछि सबै आश्चर्यमा परे । उनले नेपाल वायुसेवा निगमको विमानभित्रको सरसफाई अनुगमन गर्न पहेलो जाकेट लगाएका हुन ।  मन्त्री किराँतीले अन्तर्राष्ट्रिय उडानमा रहेका विमानभित्रको सरसफाई छड्के गर्न विमानस्थल पुगेको बताइएको छ ।

स्रोतका अनुसार यात्रुहरुलाई प्रदान गरिएको सेवा र सरसफाईबारे अनुगमन गर्न मन्त्री विमानभित्रै पुगेको बताइन्छ । पर्यटनमन्त्रीले सामाजिक सञ्जालमा फोटो हाल्दै लेख्नुभएको छ, ‘यात्रुहरुलाई सफा र राम्रो सेवा प्रदान नगरे आउने दिनमा सम्बन्धित प्रमुखलाई विभागीय कारवाही गरिने छ ।’