डेढ करोड महसुल उठ्न बाँकी

बैशाख ३१, २०७६ | आजको अर्थ
ajaako_artha

नेपाल विद्युत् प्राधिकरण लमही उपवितरण केन्द्रबाट साढे १ करोड विद्युत् महसुल उठाउन बाँकी छ । न्यूनतम तीन महिनादेखि २२ महिनासम्म महसुल नबुझाएका १ हजार २४३ ग्राहकबाट जरिबानाबाहेक १ करोड ४० लाख ९५ हजार १ सय ८५ उठाउन बाँकी रहेको विद्युत् उपवितरण केन्द्र लमहीले जनाएको छ ।

सबैभन्दा धेरै एसएमबी फुड प्रोडक्टको ६ लाख १९ हजार ५०४ विद्युत् महसुल बाँकी रहेको छ । प्राथमिक स्वास्थ्य केन्द्र लमहीको १ लाख ७५ हजार ७२४, मनकामना एग्रिगेट बालुवा उद्योगको १ लाख ४ हजार, चिरण राइस मिल (पाण्डे राइस आयल मिल) को ४ लाख ७८ हजार ७४६, खानेपानी योजनाको १ लाख ६७ हजार, खड्का सःमिलको १ लाख ६७ हजार १५०, लमही नगर विकास समितिको ५१ हजार महसुल बाँकी छ ।

बगिया खानेपानी भैसहवाको १ लाख ९७ हजार, छम्पाली आयल मिलको १ लाख नौ हजार, दाङ भ्याली ह्युमपाइप सुन्डबरीको ६४ हजार, नर्ति रेन्जपोस्टकाे  ५३ हजार, राप्ती उद्यम प्रालिको ३ लाख १५ हजार, भन्सार कार्यालयको ५७ हजार, हमाल राइस तथा आयल मिलको ६३ हजार, शिवशक्ति कृषक सहकारी संस्थाको १ लाख १२ हजार, गोराराम बोहोराले ३ लाख ६४ हजार विद्युत् महसुल बुझाउन बाँकी रहेको देखिन्छ ।

विद्युत् प्राधिकरण लमही उपवितरण केन्द्रका प्रमुख नन्दलाल शर्माका अनुसार धेरैजसो सरकारी कार्यालय र उद्योगको महसुल बाँकी छ । उनले महसुल नबुझाएका ग्राहकको तत्काल विद्युत् लाइन काटिने बताए । मिटर जाँच भएको ६० दिनभित्र महसुल नबुझाए लाइन काट्ने प्रावधान रहे पनि उपवितरण केन्द्र लमहीले २२ महिनासम्म पनि महसुल नबुझाएका ग्राहकको विद्युत् लाइन काट्न भने सकेको छैन ।

कमेन्ट गर्नुहोस्

तपाईंको ईमेल गोप्य राखिनेछ ।

This site is protected by reCAPTCHA and the Google Privacy Policy and Terms of Service apply.

बुलियन मार्केट

विनिमय दर

मुद्राखरिदबिक्री
U.S. Dollar१२२.०३१२२.६३
European Euro१३१.६६१३२.३१
UK Pound Sterling१५०.८७१५१.६१
Swiss Franc१२५.०९१२५.७१
Australian Dollar७७.७८७८.१६
Canadian Dollar८६.९२८७.३५
Singapore Dollar८५.६५८६.०८