अदालतले भन्यो कुलमानले तय गरेको ३ अर्ब २० करोड महसुल तिर

पुस २८, २०७६ | आजको अर्थ
ajaako_artha

जनकपुर उच्च अदालतको वीरगन्ज इजलासले बाराको सिमरा क्षेत्रका ५ उद्योगले लिएका ट्रंक लाइनको विद्युत महसुल तत्काल तिर्न उद्योगीलाई आदेश दिएको छ ।

अदालतले उद्योगीले दायर गरेको  मुद्दा खारेज गरेपछि ट्रंक लाइनको विगत ४ वर्षदेखिको रु ३ अर्ब २० करोड महसुल तिर्नुपर्ने भएको हो । नेपाल विद्युत प्राधिकरणका अनुसार  जगदम्बा स्टील, असोक स्टील, हुलास स्टील, हामा आइरन र सूर्य नेपाल प्रालिले ट्रंक लाइन वापतको महसुल तिर्नुपर्ने भएको हो ।

उच्च अदालतले उद्योगीको मुद्दा खारेज गरेको हो । मुद्दा खारेज भएसँगै महसुल उठाउन वैधानिकता मिलेको छ ।

२०७२ साउनदेखिको महसुल उठाउन प्राधिकरण कार्यकारी निर्देशक कुलमान घिसिङको स्वीकृति लिई सबै उद्योगमा बिल पठाउने तयारी गरिएको छ ।

सिमाराका ६ उद्योगले ट्रंक लाइनको विद्युत सेवा लिइरहेका छन् । वितरण केन्द्रले ट्रंक लाइनको महसुल उठाउन चिठ्ठी काटेपछि ६ मध्ये ५ उद्योग महसुल तिर्न नसक्ने भन्दै अदालत पुगेका थिए ।

डेडिकेटेड फिडरको सेवा लिएका २ उद्योगले भने नियमित महसुल तिरिरहेका  छन् । देशभरका २ सय ९८ उद्योगले ट्रंक लाइन तथा डेडिकेटेड फिडरबाट विद्युत सेवा लिँदै आएका छन् ।

कमेन्ट गर्नुहोस्

तपाईंको ईमेल गोप्य राखिनेछ ।

This site is protected by reCAPTCHA and the Google Privacy Policy and Terms of Service apply.

बुलियन मार्केट

विनिमय दर

मुद्राखरिदबिक्री
U.S. Dollar११४.००११४.६०
European Euro१२५.६६१२६.३२
UK Pound Sterling१४९.१८१४९.९७
Swiss Franc११७.५६११८.१८
Australian Dollar७७.२१७७.६२
Canadian Dollar८६.४७८६.९३
Singapore Dollar८४.०४८४.४८