शेयर बजारमा किन जाँदै छ लगातार पहिरो, अर्थमन्त्रीको अभिव्यक्ति कि हकप्रद र बोनसको चाप ?

ajaako_artha

काठमाडौं । डा युवराज खतिवडा अर्थमन्त्री बनेसँगै लगातार घट्दै आएको शेयर बजार आइतबार हालसम्मकै न्यून बिन्दुमा आइपुग्यो । शेयर बजारका जानकारहरुका अनुसार आइतबार बजारले एकै झट्काकामा ४७ अर्ब रुपैयाँ गुमाएको छ । विगत दुई वर्षदेखि शेयर बजार उकालो लाग्न सकेको छैन । तत्कालीन अर्थमन्त्री डा बाबुराम भट्टराईले शेयर बजारलाई जुवाको घर भनेर टिप्पणी गर्दा पनि बजार यसैगरी खुम्चिएको थियो । हाल त्यस्तै र सोही खालको सिन्ड्रोम शेयर बजारमा देखिएको छ ।

अर्थमन्त्री खतिवडाले २८ फब्रुअरीमा बिबिसि नेपाली सेवालाई अन्तरवार्ता दिदै बजारमा देखिएको तरतला समाधानका लागि वैदेशिक सहायता लिन सकिने तर त्यसरी प्राप्त भएको पूँजी शेयर बजार, घर जग्गा कारोबार जस्ता अनावश्यक र अनुत्पादक क्षेत्रमा लगानी गर्न नसकिने अभिव्यक्ति दिएका थिए ।
उनको अभिव्यक्ति पछि शेयर बजारमा पहिरो गएको छ । आइतबार झण्डै चार प्रतिशतले बजार ओरालो लाग्यो । लगातार घट्दै आएको बजारमा रहेका सट्टेवाजहरुलाई वाहाना भइहाल्यो, अर्थमन्त्रीका कारण शेयर बजार न्यून बिन्दुमा आइपुग्यो ।

उनीहरुले यसरी रोइलो गरे कि सबै सकियो, अब सबै डुब्यो । शेयर लगानीकर्ता संघले आइतबारै एक विज्ञप्ति प्रकाशित गरी अर्थमन्त्री खतिवडाप्रति कडा प्रतिवाद जनायो । नियमक निकायको रुपमा रहेको नेपाल धितोपत्र बोर्डले आफूहरु कुनै कमेन्ट दिने अवस्थामा नरहेको भन्दै कुनै प्रतिक्रिया दिन चाहेन ।
उसले शेयर बजार घट्नुको कारण बारे अफूहरुलाई थाहा नहुने र कमेन्ट समेत दिन नसकिने बतायो । तर त्यसको फरक लगानीकर्ता संघले भने अर्थमन्त्रीले सबै डुबाए भन्दै कडा आपत्ति मात्रै जनाएन , अर्बौँको लगानी डुब्ने अवस्थामा पुगेको बताए ।
अर्थमन्त्री खतिवडाले सेयर बजार अनुत्पादक भनेर अभिव्यक्ति दिने दिन नेपालको सेयर बजारको कुल बजार पुँजीकरण १५ खर्ब ७४  अर्ब  रुपैयाँ थियो ।
अर्थमन्त्री खतिवडाले दिएको अभिव्यक्तिपछि खुलेको सेयर बजार आइतबारको दिन ३.०९ अंकले ओरालो लाग्यो । जसबाट बजार पुँजीकरण १५ खर्ब २७ अर्ब रुपैयाँमा झरेको छ ।
अर्थमन्त्री डा खतिवडाले गत बुधवार बेलुका बिबिसी नेपाली सेवामा दिएको अन्तरवार्तामा तरलता समस्या समाधानको लागि विदेशबाट पुँजी ल्याउनुपर्ने र यस्तो रकम घरजग्गा,सेयर तथा हायर पर्चेज जस्तो अनुत्पादक क्षेत्रमा कर्जा लगानी गर्न नहुँने बताएका थिए । टिप्पणी गरेका थिए ।  खतिवडालाई घरजग्गा तथा सेयर बजारका लगानीकर्ता यो क्षेत्रसँग कठोर नीति राख्ने व्यक्तिको रुपमा परिचित छन् ।
उनी गर्भनर रहेका बेला घर जग्गा कारोबार र शेयर कारोबारमा कडा नीति अख्तियार गरेका थिए ।
२०६५ सालमा तत्कालिन अर्थमन्त्री डा बाबुराम भट्टराईले सेयर बजारलाई जुवाजस्तो बनाउन नहुँने अभिव्यक्ति दिएका थिए । उनले सेयर बजार जुवाजस्तो भनेको बताएपछि त्यतीबेला सेयर बजार अत्याधिक घटेको थियो ।
 
यो पटकपनि अर्थमन्त्रीको अभिव्यक्तिलाई लगानीकर्ताले त्यही अभिव्यक्तिको नयाँ रुपको रुपमा विश्लेषण गरेका छन् । अर्थमन्त्री खतिवडाको भनाईलाई सेयर लगानीकर्ता संघले विरोध गरेको छ । सामाजिक सन्जालपनि अत्याधिक विरोध भएको छ ।
अत्याधिक बोनस र हकप्रदको चाप
सेयर बजार घट्नुको पछाडि अत्याधिक मात्रामा रहेको बोनस र हकप्रद शेयर पनि अर्को कारण बनेको छ । बैंकको ब्याजदर तथा अत्याधिक थपिएको बोनस तथा हकप्रदले बिक्रीको चाप थियो । जसमा अर्थमन्त्री खतिवडाको अभिव्यक्तिले घटेको बजारलाई बजारलाई आगोमा घिउँ थपेको हो ।
नेपाल स्टक एक्चेन्जमा हाल सूचिकृत कम्पनीले लाभांश दिएको हुँदा विगतमा पनि स्वभाविक रुपले बजार घट्ने गरेकै थियो । तर,अर्थमन्त्रीको अभिव्यक्तिले लगानीकर्ता आत्तिएको हुँदा चलखेल गरेर बजार घटाउनेहरु अझै बढ्ने अनुमान विश्लेषकको छ ।
मैले भनेकै छैन, पत्रकारले गलत प्रचार गरे
शेयर बजारमा पहिरो गएपछि अर्थमन्त्री डा खतिवडाले आफूले शेयर बजारलाई अनुत्पादक नभनेको र पत्रकारले गलत प्रचार गरेको बताएका छन् । उनले आइतबार केही पत्रकार माझ आफूले शेयर बजारको बारेमा गलत टिप्पणी नगरेको भन्दै वचाउ गरे । आफूले भनेको कुराको बजारमा नकारात्मक प्रतिक्रिया आएपछि उनले बचाऊको सो अस्त्र प्रयोग गरेका हुन् ।

कमेन्ट गर्नुहोस्

तपाईंको ईमेल गोप्य राखिनेछ ।

This site is protected by reCAPTCHA and the Google Privacy Policy and Terms of Service apply.

बुलियन मार्केट

विनिमय दर

मुद्राखरिदबिक्री
U.S. Dollar१०२.२०१०२.८०
European Euro१२७.३५१२८.१०
UK Pound Sterling१४४.३३१४५.१७
Swiss Franc१०९.७४११०.३८
Australian Dollar८१.०३८१.५०
Canadian Dollar८२.२६८२.७५
Singapore Dollar७७.४५७७.९१