म्याद नाघेका खाद्य पदार्थहरु जफत

३ हप्ता अगाडि

काठमाडौं–  म्याग्दीको अन्नपूर्ण गाउँपालिकाका ग्रामीण भेगमा म्याद नाघेका खाद्य तथा पेय पदार्थ बिक्री भएको भेटिएपछि तिनलाई जफत गरिएको छ । सोमबार अन्नपूर्ण–६ घार र खिवाङ क्षेत्रका पसलहरूमा गरिएको अनुगमनको क्रममा म्याद नाघेका सामान बिक्री भएको पाइएपछि ती जफत गरिएको हो ।

उक्त गाउँपालिकाका उपाध्यक्ष दिवाकुमारी तिलिजा पुनको अनुगमन टोलीले उपभोगको म्याद नाघेका खाने तेल, मैदा, सुजी, मसला, चियापत्ति, चाउचाउ, बिस्कुट, कोक, फेन्टा, स्प्राइट, बियरलगायत ७५ हजारभन्दा बढीका खाद्य र पेय पदार्थ जफत गरेको बताए ।

गाउँपालिकाका कर्मचारी, पर्यटन तथा उद्योग कार्यालय, प्रहरी, उद्योग वाणिज्य सङ्घ अन्नपूर्ण इकाईका प्रतिनिधि, पत्रकारलगायत संलग्न टोलीले गाउँपालिकाका उपाध्यक्ष एवं उपभोक्ता हित संरक्षण समितिका संयोजक पुनको नेतृत्वमा घार र खिवाङ क्षेत्रका पसलको अनुगमन गरेका थिए ।

उपाध्यक्ष पुनका अनुसार मूल्यअभिवृद्धि कर ९भ्याट० र व्यक्तिगत खाता नम्बर ९प्यान० नलिइकन व्यवसाय सञ्चालन गरेका तथा अनुमतिबिना मदिरा र सुर्तीजन्य पदार्थको बिक्री गरेकाहरूलाई सचेत गराइएको छ ।


 

३ हप्ता अगाडि

प्रतिक्रिया