काठमाडौं- क्रेस्ट माइक्रो लाइफ इन्स्योरेन्स लिमिटेडको दोस्रो वार्षिक साधारणसभा सम्पन्न भएको छ। सभा सुर्खेतस्थित कम्पनीको रजिस्टर्ड कार्यालयमा भएको हो । 

सभाको सुरुवातमा प्रमुख कार्यकारी अधिकृत (सीईओ) प्रताप मान श्रेष्ठले स्वागत मन्तव्य राख्दै कम्पनीको हालको प्रगति र भावी योजनाबारे संक्षिप्त जानकारी दिए। त्यसपछि संचालक समितिका अध्यक्ष ऋषिराज मोरले वार्षिक प्रतिवेदन प्रस्तुत गर्दै कम्पनीको गतिविधिबारे विवरण प्रस्तुत गरे।

सभाबाट लेखापरीक्षकको प्रतिवेदनसहित आर्थिक वर्ष २०८०/८१ को वासलात, नाफा–नोक्सान हिसाब, नगद प्रवाह विवरण तथा अनुसूचीहरू छलफलपछि सर्वसम्मत रूपमा पारित भएको छ । 

सभाले सर्वसाधारण (समूह “ख”) तर्फबाट सञ्चालक पदमा ईश्वर लाल श्रेष्ठ र सुनिता महर्जनलाई निर्विरोध निर्वाचित गरेको छ।