शुक्रबार, २७ असार २०८२
चुनावको आसपास राष्ट्र बैंकको अनुमान भन्दा कम रकम बाहिरियो
आजको अर्थ संवाददाता
शुक्रबार, ३० बैशाख २०७९, ०८ : ४०
काठमाडौं - नेपाल राष्ट्र बैंकले यो चुनाव आसपास २० अर्ब रुपैयाँ बाहिरिने अनुमान गरेको थियो । तर ९ अर्ब रुपैयाँ मात्रै थप रकम बैंकिङ प्रणालीबाट बाहिरिएको नेपाल राष्ट्र बैंकले जनाएको छ ।
अनुमान भन्दा कम रकम बाहिरिएको नेपाल राष्ट्र बैंक मुद्रा व्यवस्थापन विभागका कार्यकारी निर्देशक रेवतीप्रसाद नेपालले जानकारी दिए ।
यो रकम ठ्याक्कै चुनावकै लागि मात्र हो भन्न भने नसकिने उनी बताउँछन् । 'तर विगत १० कार्य दिनमा थप ९ अर्ब रुपैयाँको माग बढ्यो । सो रकमबराबरको नोट राष्ट्र बैंकबाट बाहिर गएको छ,' उनले भने, 'यो चुनावकै लागि निर्वाचन आयोगले भुक्तानीमा खर्च गयो कि म्यादी प्रहरीलाई दिइयो यकिन भने थाहा भएन ।'
वैशाख ९ गतेसम्म बजारमा ६ खर्ब ४३ अर्ब रुपैयाँ रहेको तर वैशाख २८ गतेसम्ममा ६ खर्ब ५२ अर्ब हाराहारीका नोट चलनचल्तीमा रहेको नेपालले बताए ।
शुक्रबार, ३० बैशाख २०७९, ०८ : ४०
प्रतिक्रिया