काठमाडौं - सानिमा माई हाइड्रोपावरको नाफा घटेको छ । कम्पनीले सार्वजनिक गरेको चालु आर्थिक वर्षको प्रथम त्रैमासको अपरिष्कृत वित्तीय विवरणले यस्तो देखाएको हो । 

समीक्षा अवधिमा कम्पनीको खुद नाफा गत वर्षको यही अवधिको तुलनामा ४.४२ प्रतिशतले घटेको छ । गत वर्ष २४ करोड ३१ लाख रुपैयाँ नाफा गरेकोमा समीक्षा अवधिमा घटेर २३ करोड २४ लाख रुपैयाँमा खुम्चिएको छ। 

यो अवधिमा कम्पनीको विद्युत बिक्रीको आम्दानी पनि ६.४३ प्रतिशतले घटेर ३२ करोड १७ लाख रुपैयाँ भएको छ। गत वर्ष यही अवधिमा कम्पनीले ३४ करोड ३८ लाख रुपैयाँ विद्युत बिक्रीबापत आम्दानी गरेको थियो ।  

चुक्तापुँजी ३ अर्ब ८ करोड रुपैयाँ रहेको कम्पनीको रिटेन्ड अर्निङमा १ अर्ब १५ करोड रुपैयाँ रहेको छ । गत वर्ष रिटेन्ड अर्निङमा ९० करोड ५१ लाख रुपैयाँ थियो। 

कम्पनीको वार्षिकीकृत प्रतिसेयर आम्दानी (ईपीएस) घटेर ७.५२ रुपैयाँमा झरेको छ। गत वर्ष ईपीएस ८.६६ रुपैयाँ रहेको थियो । रिटर्न अन इक्विटी ३.६२ प्रतिशत रहेको कम्पनीको प्रतिसेयर नेटवर्थ १५५ रुपैयाँ रहेको छ ।