काठमाडौँ - छिमेक लघुवित्त वित्तीय संस्था लिमिटेडले २१औं वार्षिक साधारण सभा चैत १० गते शुक्रबार हेटौंडा–४ मकवानपुर स्थित होटल सामनामा बिहान ११ बजे बस्नेगरी   सभा डाकेको हो ।

सो सभाले गत आर्थिक वर्षको मुनाफाबाट आफ्ना शेयरधनीहरुलाई प्रस्ताव गरेको कायम चुक्तापुँजीको २२ प्रतिशत बोनस शेयर र कर प्रयोजनका लागि ३.२६ प्रतिशत नगद लाभांश गरी कुल २५.२६ प्रतिशत लाभांश पारित गर्ने छ ।

यसका साथै सोही सभाले बोनस शेयर वितरणपछिको चुक्तापुँजी बृद्धि गर्ने प्रस्तावलाई अनुमोदन गर्नेछ । साथै, गत आर्थिक वर्ष २०७८।७९ को वार्षिक प्रतिवेदन उपर छलफल गर्ने, सोही आवको वासलात, नाफा नोक्सान हिसाब, नगद प्रवाह लगायतका वित्तीय विवरणमाथि छलफल गरी पारित गर्ने प्रस्ताव पेश गर्ने छ ।

यसका अलावा सभामा चालु आव २०७९।८० को लागि लेखापरीक्षक नियुक्त गर्ने र निजको पारिश्रमिक निर्धारण गर्ने सभाको एजेण्डा रहेको छ ।

साधारण सभा प्रयोजनार्थ संस्थाले फागुन २५ गते एकदिन बुक्लोजको मिति तोकेको छ । यसर्थ पुष २३ गतेसम्म कायम शेयरधनीहरुले मात्रै सभामा उपस्थित हुन र प्रस्तावित लाभांश पाउने छन् ।