काठमाडौँ - अन्तर्राष्ट्रिय युवा दिवस, नेपालमा पनि विभिन्न कार्यक्रम गरी मनाइको छ।

‘दिगो विकासको लक्ष्य प्राप्तिमा युवाको साथ स् नवप्रवर्तन र उद्यमशीलतामा हरित सिप विकासु भन्ने नाराका साथ शनिबार अन्तर्राष्ट्रिय युवा दिवस मनाइएको हो। दिवसका अवसरमा राष्ट्रिय युवा परिषद्ले काठमाडौंमा मूल समारोहको आयोजना गरेको थियो। कार्यक्रममा युवा तथा खेलकुदमन्त्री डिग बहादुर लिम्बुले देशलाई समृद्धिको दिशातर्फ लैजान युवाहरु तयार हुनुपर्ने बताए।

उनले मुलुकबाट युवाहरूले खोजेका विषयहरू प्रदान गर्न युवा नीति परिमार्जन गर्न सरकार तयार रहेको जिकिर गरे। युवाहरूलाई उद्यमशिल बनाउन चालू आर्थिक वर्षलाई युवा उद्यमशिल वर्षमा रुपमा मनाउने उनले बताए।

युवाका सबाललाई सम्बोधन गर्ने उद्देश्यले संयुक्त राष्ट्र संघले सन् १९९९ देखि हरेक वर्षको अगस्ट १२ लाई अन्तर्राष्ट्रिय युवा दिवसका रूपमा मनाउने निर्णय गरेसँगै सन् २००० देखि विश्वभरि युवा दिवस मनाउन थालिएको हो। नेपालमा भने युवासँग काम गर्ने संघसंस्थाको अगुवाइमा पहिलोपटक सन् २००४ देखि दिवस मनाउन थालिएको हो।