सिटिजन लाइफ इन्स्योरेन्सको आइपिओ बिहीबार बाँडफाँट गरिँदै

९ महिना अगाडि

सिटिजन लाइफ इन्स्योरेन्सले जारी गरेको आइपिओ भदौ २८ गते बिहीबार बाँडफाँट हुने भएको छ। एनआइएमबी  एस क्यापिटलका अनुसार कम्पनीको आइपिओ बिहीबार दिउसो २ बजे बाँडफाँट हुने भएको हो। कम्पनीको आईपीओमा  अन्तिम दिनसम्म माग भन्दा १.८६ गुणा बढी आवेदन परेको छ ।

उक्त इन्स्योरेन्सले  भदौ १५ गते आइतबारदेखि निष्कासन गरेको आईपीओमा  १५ लाख १० हजार ६९३ भन्दा बढीको आवेदन परेको हो । इन्स्योरेन्सको आइपिओ भर्नेमध्ये ६ लाख भन्दा धेरैको हात खाली हुने भएको छ। इन्स्योरेन्सले  ९० लाख कित्ता सेयर सर्वसाधारणका लागि जारी गरेको थियो। जसमा एक करोड ६७ लाख ९० हजार १८० कित्ताका लागि आवेदन परेको केन्द्रीय निक्षेप प्रणाली (सिडिएससी ) ले जनाएको छ ।

कम्पनीको प्राथमिक सेयरमा १५ लाख १० हजार ६९३ आवेदकले सेयर खरिदको लागि आवेदन दिएका हुन्। उक्त आवेदनबाट ४ अर्ब ९ करोड ६८ लाख ३ हजार ९२० रुपैयाँ सङ्कलन भएको छ। इन्स्योरेन्सले  सर्वसाधारणलाई प्रतिशेयर १०० रुपैयाँ अङ्कित मूल्यमा १४४ रुपैयाँ प्रिमियम थप गरी प्रतिसेयर कुल २४४ रुपैयाँमा सेयर निष्कासन गरेको थियो।

इन्स्योरेन्सले  आफ्नो जारी पुँजी ३ अर्ब ७५ करोड रुपैयाँको ३० प्रतिशतका दरले हुन आउने १ अर्ब १२ करोड ५० लाख रुपैयाँ बराबरको १ करोड १२ लाख ५० हजार कित्ता सेयर निष्कासन गर्ने अनुमति पाएको थियो । सोमध्ये ५ प्रतिशतले हुन आउने ५ करोड ६२ लाख ५० हजार रुपैयाँ बराबरको ५ लाख ६२ हजार ५०० कित्ता प्रतिशेयर १०० रुपैयाँमा इन्स्योरेन्सका  कर्मचारीहरूका लागि निष्कासन गरिसकेको छ। 

यसरी, इन्स्योरेन्सले  बाँकी रहेको ९० लाख कित्ता सेयर सर्वसाधारण लगानीकर्ताका लागि निष्कासन गरेको थियो। त्यस्तै, बाँकी १ अर्ब ६ करोड ८७ लाख ५० हजार रुपैयाँ बराबरको १ करोड ६ लाख ८७ हजार ५०० कित्ता शेयरको १० प्रतिशत अर्थात् ११ लाख २५ हजार कित्ता सेयर नेपाल सरकारको सम्बन्धित निकायबाट श्रम स्वीकृति प्राप्त गरी विदेशमा रोजगारीमा रहेका नेपाली नागरिकहरूका लागि र ५ लाख ६२ हजार ५०० कित्ता सेयर सामूहिक लगानी कोषहरूका लागि निष्कासन गरी बाँडफाँट गरिसकेको छ।

९ महिना अगाडि

प्रतिक्रिया