हुन्डाइले ल्यायो ३१० किलोमिटर माईलेज दिने विद्युतीय कार

फागुन १३, २०७६ | आजको अर्थ
ajaako_artha

हुन्डाइले एक पटक चार्ज गरेपछि ३ सय १० किलोमिटर माइलेज दिने विद्युतीय कार आयोनिकको नयाँ मोडल नेपाली बजारमा ल्याएको छ । 

यसअघिको मोडलमा प्रयोग गरिएको व्याट्री प्याक परिवर्तन गरि पहिला भन्दा १०० किलोमिटर बढी माइलेज दिने नयाँ मोडल बजारमा ल्याएको हो । 

हुन्डाई मोटर्सको नेपालको आधिकारीक बिक्रेता कम्पनी लक्ष्मी इन्टरकन्टिनेन्टल्सले ल्याएको नयाँ मोडलमा यसअघिको मोडलमा प्रयोग गरिएको २८ किलोवाटको व्याट्रीप्याक ३३ प्रतिशतले बढाएर ३८.३ किलोवाट पु¥याइएको छ । 

कम्पनीका अनुसार यसअघि ५१ लाख ९६ हजार रूपैयाँ पर्ने  कारको मूल्य अहिले ५५ लाख ९६ हजार रुपैयाँ पर्ने छ । 

उक्त कारको व्याट्री चार्जिङ्ग स्टेशनमा ५४ मिनेटमा  र घरमै ६ घन्टा ५ मिनेटमा चार्ज गर्न सकिने कम्पनीले जनाएको छ । 

यसअघि ८८ किलोवाटको मोटर प्रयोग गरिएकोमा  कारको फेसलिफ्ट मोडलमा १०० किलोवाटको मोटर प्रयोग गरिएकोले पुरानोभन्दा निकै पावरफुल रहेको कम्पनीको दावी छ । १३४ बीएच पावर र २९५ एनएम टर्क प्रदान गर्ने जनाइएको कारमा सबै लाइटहरु एलइडी प्रयोग गरिएको जनाइएको छ । 

कारमा १६ इन्चको अलोय ह्वीलका साथै वायरलेस फोन चार्जिङ, डिउल जोन क्लाइमेट कन्ट्रोल, प्रिमियम सिट, भ्यान्टीलेटेड, हिटेड र इलेक्ट्रीकल्ली एड्जस्टेवल सिट, सबैतिर पार्किङ सेन्सर जस्ता फिचर उपलब्ध रहेको जनाइएको छ । 

कमेन्ट गर्नुहोस्

तपाईंको ईमेल गोप्य राखिनेछ ।

This site is protected by reCAPTCHA and the Google Privacy Policy and Terms of Service apply.

बुलियन मार्केट

विनिमय दर

मुद्राखरिदबिक्री
U.S. Dollar१२१.९०१२२.५०
European Euro१३२.५९१३३.२४
UK Pound Sterling१५०.७२१५१.४६
Swiss Franc१२५.५३१२६.१५
Australian Dollar७५.३६७५.७३
Canadian Dollar८७.०६८७.४९
Singapore Dollar८५.४३८५.८५