‘प्रेमगीत ३’ रिलिज नहुँदै नयाँ फिल्ममा मनिष

साउन १६, २०७७ | आजको अर्थ
ajaako_artha

प्रदर्शनको पखाईमा रहेको फिल्म ‘प्रेमगीत ३’ ले नेपाली फिल्म क्षेत्रलाई एक नयाँ अनुहार दिँदैछ । उनी हुन्, मनिष राउत । फिल्ममा उनले राजकुमारको भूमिका निर्वाह गरेका छन् । कोरोनाको महामारी नभएको भए यो फिल्म गत वर्षको चैतमा प्रदर्शन भइसकेको हुन्थ्यो । अब आउँदो बैशाखमा फिल्म प्रदर्शन हुने बुझिएको छ । यो फिल्मलाई लिएर मनिष उत्साहित छन् । 
 
यसबीच, उनी ‘प्रेमगीत ३’ रिलिज नहुँदै नयाँ फिल्ममा अनुबन्ध भएका छन् । क्लोथिङ्ग ब्राण्ड ‘डक्टर डेनिम’ ले निर्माण गर्न लागेको फिल्ममा उनी मुख्य अभिनेताको रुपमा चयन भएका हुन् । ‘डक्टर डेनिम’ को ब्राण्ड एम्बेसडर समेत रहेका राउतको जोडीको रुपमा भने नायिका छनौट नभएको ‘डक्टर डेनिम’ का सिइओ निलुस गौतमले बताए । यो फिल्ममा गौतम निर्माता रहनेछन् । 
 
आगामी बर्ष प्रदर्शन गर्ने गरी ‘डक्टर डेनिम’ ले फिल्म निर्माण गर्न लागेको हो । फिल्मका निर्देशक, लेखकसहित अन्य टिमको बारेमा भने जानकारी गराइएको छैन । केही समयमा नै फिल्मको नामसँगै लेखक तथा निर्देशकको परिचय दिने निर्माण टिमको योजना छ । फिल्ममा मनिषको जोडीको रुपमा नायिकाका लागि नयाँ कलाकारको खोजी भइरहेको निर्माता गौतमले बताए ।
 
फिल्ममा मनिषलाई अभिनेताको रुपमा चयन गर्नुको कारणबारे निर्माता गौतम भन्छन्, ‘मनिषको क्रेज देखेरै हामीले लामो समयसम्मको लागि ‘डक्टर डेनिम’ को ब्राण्ड एम्बेसडर बनाएका थियौँ । उहाँको क्रेजबाट हामीले हाम्रो ब्राण्ड स्थापित गर्न सफल बन्यौँ । अब हामीले उहाँलाई नै लिएर फिल्म बनाउन लागेका छौँ ।’ फिल्मको नेपाल, जर्मनी र भारतको गोवामा छायांकन हुनेछ ।

कमेन्ट गर्नुहोस्

तपाईंको ईमेल गोप्य राखिनेछ ।

This site is protected by reCAPTCHA and the Google Privacy Policy and Terms of Service apply.

बुलियन मार्केट

विनिमय दर

मुद्राखरिदबिक्री
U.S. Dollar१२२.०३१२२.६३
European Euro१३१.६६१३२.३१
UK Pound Sterling१५०.८७१५१.६१
Swiss Franc१२५.०९१२५.७१
Australian Dollar७७.७८७८.१६
Canadian Dollar८६.९२८७.३५
Singapore Dollar८५.६५८६.०८