दुई पाङ्ग्रे सवारी अहिलेको आवश्यकता

माघ ७, २०७४ | आजको अर्थ
ajaako_artha

दीपककुमार अग्रवाल, भाइस प्रेसिडेन्ट, जगदम्बा मोटर्स
 

पछिल्लो समय नेपालमा टु ह्विलर्स (दुई पाङ्ग्रे) सवारी साधन मोटरबाइक तथा स्कुटरको प्रयोग बढ्दो छ । यातायात क्षेत्रका जानकारहरूका अनुसार सार्वजनिक सवारी साधनको असहजताका कारण यस्ता साधनहरूको प्रयोग बढेको बताउँछन् । तर, बढ्दो आधुनिकता र आफ्नै सवारीको प्रयोग ट्रान्सपोर्टेसनका लागि पनि प्रयोगको आवश्यकता देखिएको पाइन्छ । 

टु ह्विलर्स साधन नेपालमा भित्र्याउने दर्जनभन्दा बढी अटो क्षेत्रका कम्पनीहरू छन् । मानिसहरूमा बढ्दो आयस्रोत सडकको विस्तारसँगै दैनिक माग बढ्दो छ । छोटो समयमै जगदम्बा मोटर्स अन्तर्गत टीभीएस ब्रान्डमा बिक्री गर्दै आइरहेको टु ह्विलर्स सवारी साधनहरू बजारमा आकर्षण बढ्दो छ । जगदम्बा मोटर्सका भाइस प्रेसिडेन्ट दीपककुमार अग्रवालका अनुसार भूगोल सडक र समय अनुसार सबै क्षेत्र उमेरको रोजाइमा टीभीएसका प्रडक्ट उपलब्ध हुनुका कारण आकर्षण बढेको स्वीकार्छन् । त्यस्तै, देशभर दुई सयभन्दा बढी सर्भिस सेन्टरबाट उत्कृष्ट सेवा प्रवाह गरिरहको टीभीएसको तीन चक्के कारका रूपमा ‘टेम्पो’ पनि बजारमा छ । एग्रेसिभ बजार लिइरहेको उक्त ब्रान्डले बिक्रीसँगै उत्कृष्ट सेवा प्रदान गर्दै आइरहेको दाबी अग्रवाल गर्छन् । यिनै विषय सेरोफेरोमा रहेर भाइस प्रेसिडेनट अग्रवालसँगको कुराकानीको सम्पादित अंश यस्तो छ :

नेपालमा पछिल्लो समय दुई पाङ्ग्रे सवारी साधनप्रति आकर्षण किन बढ्दो छ ?  टीभीएसले कसरी आफ्नो बजारमा स्थान लिएको छ ?
पछिल्लो समय नेपालमा विशेषगरी दुई पाङ्ग्रे सवारीको माग बढ्दो छ । मानिसहरूलाई आवत जावत गर्न सहज भरपर्दो सुविधाका कारण आकर्षण बढेको हो । यसर्थ अटोमोबाइल अहिले दैनिक जीवनको अभिन्न अङ्ग बनिसकेको छ । अव्यवस्थित सार्वजनिक यायतायातका कारण समयमा गन्तव्य पुग्ने निश्चित नहुँदा मानिसहरू यता आकर्षित छन् । फेरि साधरण मध्यम वर्गदेखि सबैले आर्थिक भार कन्जुम गर्न सक्ने सामाजिक प्रतिष्ठा सुविधाका कारण पनि हो भन्ने मेरो बुझाइ हो । 
हाम्रो टीभीएसको विषयमा भन्नुपर्दा सन् २०१५ सेप्टेम्वरबाट सुरु भए पनि  बिजनेसलाई अबको ५ वर्षको अवधिमा अग्रस्थानमा पुर्याउने लक्ष्यका साथ हाम्रो टिमर्वक अघि बढिरहेको छ । छोटो समयमै हामीले राम्रो पोजिसनमा बजारमा छौँ । लक्ष्य चुम्न एग्रेसिभ बजारीकरणमा छौँ । 

टीभीएसलाई नेपालको टु ह्विलर मोटर्समा पहिलो नम्बरमा ल्याउने रणनीति तपाईंहरूसँग के  हो ?
हामीसँग जादुको छडी त भएको होइन । हाम्रो आफ्नै बिजनेस इमानदारिता, प्रडक्टको विशेषतले यो स्थानमा छौँ । एकदम कम समयमै अग्रस्थानमा छौँ । बेसिक कुरालाई ध्यान दिएर पहुँच र नेटवर्क बढाउँदै छौँ । घर–घर, गाउँ–गाउँमा हाम्रो प्रोडक्ट र सेवा सुविधाहरू विस्तार हुँदैछ ।   

हामीले एउटा फरक विशेषता जोडेका छौँ, किसान, शिक्षक, कर्मचारी, गृहणी, विद्यार्थी सबैलाई सहज र आवश्यक पर्ने किसिमका मोटरसाइकल तथा स्कुटरहरू उपलब्ध गराएका छौँ । कसैले पनि यहाँबाट आफ्नो आवश्यकता मोडलको नपाएर फिर्ता हुनु पर्दैन । त्यस्तै, स्पेयर पार्टस् र उपयुक्त सर्भिसहरू उपलब्ध गराएका छौँ । अर्को मुख्य कुरा भनेको देशभर करिब १० हजार टेक्निसियनलाई तालिम दिने अभिभारा हामीले लिएका छौँ । सडकछेउका स्थानीय साना–साना वर्कसपसँग हामीले सहकार्य गर्दै आइरहेका छौँ । टीभीएसको पार्टस् र सर्भिस हरेक पाँच किलोमिटरमा उपलब्ध गराउने कोसिसमा छौँ । 

साथसाथै ब्रान्ड प्रमोसनका लागि हरेक डिजिटल तथ प्रिन्ट मिडियाहरूमा त अवश्य नै छौँ । हामीले प्रडक्ट मात्र नल्याएर विभिन्न समय र चाडपर्वहरूलाई लक्षित स्किमहरू पनि ल्याएका छौँ । कुनै पनि विषय क्षेत्रमा सङ्कुचित नभई अग्रणी स्थान लिने सोचमा छौँ ।  

तपाईंहरूको कति प्रकारका प्रडक्टहरू छन् । सेवा तथा सभिर्स कस्टमरले कसरी  सहज पाउन सक्छ भन्ने लाग्छ  ? 
नेपालको परिवेशमा भन्ने हो भने करिब ७० प्रतिशत बाइक र ३० प्रतिशत जति स्कुटरहरूको बजार छ । अहिलेसम्म हाम्रा १४ प्रकारका प्रडक्ट २ सयभन्दा बढी सर्भिस सेन्टर र एक सय सेल्स प्वाइन्ट अन्तर्गत सेवा प्रवाह भइरहेको छ । मेकानिकल पार्टमा आएको आधुनिकतासँगै प्रडक्टहरू कम्फर्टेबल सुरक्षित र सहज परिवर्तित मोडलहरू नै छन् । कामाडौँमा मात्रै ३० वटा वर्कसपहरू स्थापित छन् । यसर्थ हरेक सहरमा १० किलोमिटरको फरकमा एउटा वर्कसप छनौट गर्छांै र तालिम प्रदान गर्छौं । बेसिक स्पेसल टुल्स जुन टीभीएसका लागि आवश्यक छ त्यो प्रदान गर्छौं । बेसिक आइटमहरू उसले अनिवार्य रूपमा राख्नुपर्छ । त्यो वर्कसपलाई हामीले नजिकको डिलर, सर्भिस सेल्सका म्यानेजर र सर्भिसका म्यानेजरसँग समन्वय गराउँछौँ । 

त्यस्तै, प्रडक्टमा पाँच वर्षको वारेन्टी दिइरहेका छौँ । आफ्नै ट्रेनिङ सेन्टर सेल्सदेखि प्राविधिकहरूलाई समेत तालिमको व्यवस्था छ । भर्खरै युवा वर्गलाई लक्षित गरेर २ सय सीसीको प्रडक्ट ल्यायौँ भने अब  ३ सय सीसीको बाइक ल्याउने योजनामा छौँ । नयाँ मोडलहरू बजारमा ल्याउन खाजिरहेका छौँ । त्यस्तै, १२५ सीसीको स्कुटर ल्याउने योजनामा छौँ । इन्डोनएसियामा चल्ने स्कुब्याक भर्खरै ल्यायौँ । 

नेपालको भूगोल र बाटोअनुसार के–कस्ता सवारीसाधनको आवश्यकता देख्नुहुन्छ ?
नेपालमा पछिल्लो समय धेरै बाटा बनेका छन् । तर, पूर्ण बनेका छैनन् ‘डेन्जर जोन’हरू थुप्रै छन् । जसले सवारी सुरक्षाप्रति गहिरो प्रश्न उठेको छ । त्यस्तै मुख्य सहरहरूमा ट्राफिक समस्या छ ।  यिनै कुराहरूलाई जोडेर कम्पनीले सबै रेन्जका सबै क्षेत्रमा चलाउन सकिने बाइक, तथा स्कुटरहरू उपलब्ध गराएको छ । पहाडी भेगका लागि हायर विशेष बाइक चाहिन्छ जसमा मेन्टेनेन्स कम होस्, त्यसका लागि पनि प्रोडक्ट छ  । तराई भेगका लागि १२५ सीसीमा हामीसँग स्ट्राइकर र फिनिक्स भन्ने प्रोडक्ट छ । जुन समयसापेक्ष सुहाउँदो हाइ माइलेज र पावर रहेको छ । टीभीएसले नेपाल र बङ्गलादेशमा स्ट्राइकर भन्ने प्रडक्ट लन्च गरेको प्रडक्ट १२५ सीसीको इकोनोमिकल बाइक हो । तर १५० सीसी बराबरको फिचर यसमा रहेको छ । 

टीभीएस नेपाली बजारमा आफूलाई अहिले मूल्याङ्कन गर्नुपर्दा कुन स्थानमा छ ?
विभिन्न सेग्मेन्टमा फरकफरक स्थानमा छौँ । जस्तो कि २ सय सीसीमा हामी दोस्रो स्थानमा रहेको दाबी गर्दछौँ, १२५ सीसीमा तेस्रो स्थानमा छौँ । ओभरल भन्ने हो भने हामी अहिले चौथो स्थानमा पाउँछौँ । तर हामी एक एक स्थान अगाडि बढिरहेका छौँ । चाडै नै हामी जगदम्बा मोटर्स् टीभीएसको कल्चर विकास गर्न ‘साथ छ हाम्रो’ भन्ने कार्यक्रम लिएर आउँदै छौँ । जसमा हरेक क्षेत्रमा हामीले काम गरिरहेका छौं । कसैले मोटरसाइकल किन्ने सोच बनाएर आएको छ भने हामीले उसलाई आवश्यक सम्पूर्ण सहयोग गर्छौं । जगदम्बा क्रेडिट एन्ड इन्भेस्टमेन्ट फाइनान्सबाट सहयोग गर्छौं, पुरानो बाइक दिएर नयाँ लान पाउने व्यवस्था पनि गरेका छौँ । होम डेलिभरीको योजना पनि ल्याउँदैछौँ । बिहान ८ बजेदेखि बेलुका ८ बजेसम्म हाम्रो सर्भिस सेन्टर खुल्ने बनाउँदै छौँ । फोनबाटै पार्टस्हरू माग गर्न सक्ने व्यवस्था मिलाउने योजना छांै । त्यस्तै, पारदर्शिताका लागि पार्टस्हरू इन्टरनेटमा मूल्य÷ किसिम हेर्न सकिने गर्दैछौं । यसरी काठमाडौंमा हामीले मिल्क मेनको कन्सेप्ट सुरु गरेका छौँ । 

सवारी साधनहरूको तुलनमा पार्र्टस्हरू महङ्गो हुन्छ भनिन्छ, किन ?
हो । एउटा मोटरसाइकलमा करिब ९ हजार पार्टस्हरू हुन्छन् होला त्यो सबै किनेर जोड्ने हो अवश्य महँगो पर्न जान्छ । यो अटो मोबाइलको क्षेत्रमा मात्र हैन अन्य क्षेत्रमा पनि यस्तै हो । तर टीभीएसको कुरा गर्ने हो भने यो अन्यको तुलनामा त्यस्तो महँगो छैन । अन्य कम्पनीको स्पेयर पार्टस्हरूसँग तुलनात्मक रूपमा सहज छ ।  

अहिले तपाईंहरूको नयाँ प्रडक्ट के के हुन् ? नयाँ योजनाहरू के छन् ?
हामी बजारमा आएदखि नै नयाँ नयाँ प्रडक्टहरू लन्च गरिरहेका छौं । सुरुमा नै हामीले १ सय १० सीसीमा भिक्टर भन्ने प्रोडक्ट लन्च गर्यौं । किसानहरूको लागि एक्सेल हन्ड्रेड गाउँमा काम गर्ने दुईचक्के मालगाडी लन्च गर्यौं । त्यसपछि फिनिक्स रिफ्रेस भन्ने १२५ सीसीको मोटरसाइकल लन्च गर्यौं ।  यसरी नै हरेक वर्ष केहि न केहि नयाँ लिएर बजारमा आइरहेका छौं । 

५० प्रतिशतभन्दा बढी मार्केट १५० सीसीको भन्दामाथिका साधनहरूमा रहेको छ । यस वर्ष तुरुन्तै त नआउला तर, हामीले २, ३ वटा नयाँ मोडलहरू ल्याउने योजना बनाएका छौं । आउने वर्षमा १ सय ६० सीसीको नयाँ मोडल ल्याउने योजना छ । जुपिटर स्कुटरमा जुपिटर लिमिटेडिड क्लासिक भन्ने प्रडक्ट र ३ सय सीसीको आपाच्य थ्री हन्ड्रेड ट्याम पनि चाँडै नै बजारमा ल्याउँदै छौँ । 

युवा वर्गसँग टीभीएस कसरी जोडिएको छ ?
सामान्यतया टीभीएस युवाहरूकै लागि हो । युवा वर्गलाई नै हामीले मुख्य नजर गरेका छौं । कार्यक्रमहरू त्यसरी नै स्पोन्सर गरेका छौँ । बङ्गलादेशको प्रिमियर लिग तथा अफ्रिकन प्रिमियर लिगलाई स्पोन्सर गरेको थियो । क्रिकेट नेपालमा मात्र हैन विश्वमा नै चर्चित छ । त्यसैले किन नगर्ने भनेर हामीले इपियलमा स्पोन्सर गरेका हौं । त्योभन्दा अगाडिदेखि नै विर्तामोडको आहा गोल्डकपमा सह–प्रायोजक भइसकेको थियौँ । विगत पाँच वर्ष अगाडिदेखि नै नोपल महिला भलिबललाई स्पोन्सर गर्दै आइरहेका छौँ । स्पोर्टस्को प्रमोसनमा विभिन्न स्थानमा विभिन्न तरिकारले हामीले सहयोग गर्दै आइरहेका छौँ । 

नेपालमा पछिल्लो समय तुलनात्मक रूपमा सवारीसाधनको सङ्ख्या बढ्नुको कारण के हो ?
नेपालको अर्थतन्त्रमा आएको परिवर्तनले हुनसक्छ । मानिसहरू विदेश गएर वा यहीँ पनि इनकम सोर्स बढाइरहेकै छन् । आधुनिकताले छाएको छ । ‘टाइम इज मनी’ भनेर हिँड्ने समय बनेको छ । यसैले सवारी विलासिता नभई आवश्यकता बनेको छ । यसर्थ सङ्ख्यात्मक रूपमा बढेको हुन सक्छ अर्को यहाँको सार्वजनिक सवारीका कारण साना कार तथा बाइक स्कुटरको माग बढेको हो । त्यस्तै, अहिले जताततै बाटो एक्सेस छ । नेपालको भौतिक पूर्वधार र भागौलिक बनावटले हुनसक्छ । किनभने अहिले नेपालको धेरै ठाउँहरूमा मोटरसाइकल सजिलै पुग्छन् । तर, विदेशमा बढी कारहरू देखिन्छन् यहाँ कारहरू सामान्य मानिसहरूको पहुँचबाट टाढा छ । मुख्य कुरा  पब्लिक ट्रान्सपोटेसन पनि हो । किनभने नेपालको परिवेशमा हेर्ने हो भने जति कोसिस गरे पनि सार्वजनिक सवारीसाधनहरू त्यति सहज हुन सकेको छैन । आवश्यक परेको अवस्थामा उपलब्ध हुन सक्दैन । ट्याक्सीको कुरा गर्ने हो भने आज पनि मिटरमा ट्याक्सी चलाउन मान्दैनन् ट्याक्सी चालकहरू । छिटो छरितोका लागि पनि नभइ नहुने भएकोले दैनिक आवश्यकता महसुस भएको छ । 

त्यस्तै, बाइकभन्दा पछिल्लो समय स्कुटरका माग किन बढेको होला ?
पछिल्लो समय बजारमा स्कुटरको माग बढेको छ । महिला तथा पुरुष दुवैले चलाउन मिल्ने सहज र कलेजदेखि अफिससम्म तथा सामान बोक्नका लागि पनि प्रयोग गर्न सकिने कारण मानिसहरूको स्कुटर प्रयोेगमा आकर्षण बढेको हो । 

सुरक्षाका हिसाबले टु ह्विलरर्स साधन बढी जोखिमपूर्ण मानिन्छ, तर पनि युवा पुस्ताको आकर्षण किन ?
अटो मोबाइलमा सबैभन्दा बढी दुर्घटन निम्त्याउने नै टु ह्विलर्स साधनले हो । यसमा अरू सपोर्ट हुँदैन । तर, पनि आफूलाई ख्याल गरेर ट्राफिक नियमअनुसार चलाउँदा समस्या छैन । आकर्षण बढ्नुको मुख्य कारण सहज सरल र न्यूनतम बजेटमा लिनसक्नु मुख्य पाटो हो भने युवा पुस्ताले पनि यस्तै कुरा रोजेको पाइन्छ । अटो मोबाइलाई मात्र दोष दिनु उपयुक्त छैन । सरकारले मादकपदार्थ सेवन गरेर सवारी चलाउन रोक लगाएसँगै दुर्घटना कम हुँदै गएको छ । साथै बाइकहरूमा आएको नयाँ प्रविधि र सिस्टमहरूले केही हदसम्म भए पनि दुर्घट्ना कम गर्न सहयोग गरेको छ । यसरी समय प्रविधिसँग पनि अपडेट हुन सक्नुपर्दछ ।


तपाईंहरूको अर्को फरक प्रडक्ट टेम्पो तराई क्षेत्रमा निकै देखिन्छ, यसले रोजगारमा कसरी योगदान दिएको छ ?
हो, देशमा रोजगारको सिर्जना पनि हुने उद्देश्यले यस्तो सवारी साधनको हामीले बजारमा ल्याएका थियौँ । अहिलेसम्म करिब ८ हजार ट्याम्पो नेपालभरिमा बिक्री भएका छन् । विशेष मार्केटिङ तराई केन्द्रित छौं । वर्षदिनको अवधिमा बजार निकै राम्रो हुँदै गइरहेको छ । तीन पाङ्ग्रे कारका रूपमा बजार प्रवद्र्धन गर्दै आएका छौं । हामीले ‘विदेश छोडौं स्वदेश रोजौं’ भन्ने नारा अनुसार नै बढिरहेका छौं । जुन २ सय सीसीको ट्याम्पोको मूल्य नेपालभरि नै ५ लाख १९ हजारमा दिइरहेका छौं । जस्तोसुकै बाटोमा पनि ३ जना प्यासेन्जरसहित चलाउन सकिन्छ । विस्तारै पहाडी जिल्लाहरूमा विस्तार गर्दैछौँ । रोजगारसँगै विदेशमा दुःख गर्नु भन्दा स्वदेशमै त्यत्ति नै आर्थिक आम्दानी गर्न सकिन्छ भन्ने मानसिकता बढेको छ । यहाँ विदेश जान लागेकाहरू पनि यता तानिएका छन् एकदम सन्तुष्ट देखेका छौं । 

कमेन्ट गर्नुहोस्

तपाईंको ईमेल गोप्य राखिनेछ ।

This site is protected by reCAPTCHA and the Google Privacy Policy and Terms of Service apply.

बुलियन मार्केट

विनिमय दर

मुद्राखरिदबिक्री
U.S. Dollar१२२.०३१२२.६३
European Euro१३१.६६१३२.३१
UK Pound Sterling१५०.८७१५१.६१
Swiss Franc१२५.०९१२५.७१
Australian Dollar७७.७८७८.१६
Canadian Dollar८६.९२८७.३५
Singapore Dollar८५.६५८६.०८