साम्राज्ञी नहुँदा ‘मिती सँग’लाई तनाव

चैत २५, २०७४ | आजको अर्थ
ajaako_artha

 
काठमाडौं – अभिनेत्री साम्राज्ञी राज्यलक्ष्मी शाह लन्डन उडेकी छन् । बुझिए अनुसार शाह चलचित्र ‘इन्टु मिन्टु लण्डनमा’को छायांकनका लागि लन्डन उडेकी हुन् । छायाँकनका लागि साम्राज्ञी लन्डन उडेपछि उनी अभिनित चलचित्र ‘तिमी सँग‘ युनिट भने तनावमा देखिएका छन् ।
शुक्रबारबाट प्रदर्शनमा आएको चलचित्र ‘तिमी सँग’ प्रचारको लागी साम्राज्ञीले अझ केही दिन दिनुपर्ने थियो । उनीबाट उक्त साथ नपाएपछि निर्माण युनिट तनावमा देखिएका हुन् । चलचित्रले शुक्रबार र शनिबार राम्रो दर्शक पाएको निर्माता निर्देशक शिशिर राणाले जानकारी दिए ।
त्यसो त साम्राज्ञीको कारणले मात्र निर्माण युनिटको तनाब बढेको भने होइन । चलचित्रका अर्का कलाकार अभिनेता आकास श्रेष्ठ समेत प्रचारमा त्यति देखिएका छैनन् । उनी एक चलचित्रको छायाँकनमा ब्यस्त रहेका कारण ‘तिमी सँग’लाई समय दिन नभ्याएका हुन् ।
निर्माण युनिट शुक्रबार र शनिबार दर्शकको प्रतिक्रिया बुझ्न केही चलचित्र भवनमा पुगेको थियो । उक्त समय अभिनेता नाजिर एक्लै मात्र  हलमा दर्शक माझ देखिएका थिए ।
‘सबै कलाकार लिएर हलमा जान सकेको भए दर्शकमा अझ सकारातमक सन्देश जान्थ्यो’ निर्देशक राणाले भने ‘कलाकारको कारण त्यो सम्भव हुन सकेन ।’
‘तिमी सँग’ एनआरएन पर्यटक र नेपाली गाइड बिचको रमाइलो प्रेम कथामा आधारित रहेर निर्माण भएको चलचित्र हो । चलचित्रमा साम्राज्ञी, आकाश, नाजिर लगायत कलाकारको मुख्य भुमिका रहेको छ ।

कमेन्ट गर्नुहोस्

तपाईंको ईमेल गोप्य राखिनेछ ।

This site is protected by reCAPTCHA and the Google Privacy Policy and Terms of Service apply.

बुलियन मार्केट

विनिमय दर

मुद्राखरिदबिक्री
U.S. Dollar११४.३८११४.९८
European Euro१२३.५२१२४.१७
UK Pound Sterling१४७.७४१४८.५१
Swiss Franc११६.४३११७.०४
Australian Dollar७५.४४७५.८४
Canadian Dollar८६.२३८६.६८
Singapore Dollar८१.६५८२.०८