काठमाडौं  – संयुक्त राज्य अमेरिकामा आँधीका कारण शुक्रवार तीन हजार भन्दा बढी उडानहरू रद्द भएका छन् ।

डेल्टा एयरलाइन्सले एटलान्टा अन्तर्राष्ट्रिय एयरपोर्टका सबै पाँच रनवेहरू दुई घण्टा भन्दा बढीका लागि बन्द गरिएको बताएको छ । डेल्टा विमानले पनि इन्जिनमा समस्या आएपछि एटलान्टामा उडान रद्द गर्नुपरेको थियो ।

डलास–फोर्ट वर्थ (टेक्सास) र शार्लोट डगलस (उत्तरी क्यारोलिना) पनि उडानहरू खराब मौसमबाट प्रभावित भएका थिए । फ्लाइटअवेयरका अनुसार दुवै एयरपोर्टहरूमा एक हजार २०० भन्दा बढी उडानहरू रद्द गरियो ।

संयुक्त राज्य अमेरिका यस हप्ताको सुरुमा आँधीको चपेटामा परेको थियो । यहाँ पाँच जनाको ज्यान गएको र सयौँ उडानहरू रद्द भएको थियो । केही ठाउँमा तापक्रम शून्य डिग्री फरेनहाइट ९–१८ डिग्री सेल्सियस० भन्दा तल झर्‍यो र हजारौँ मानिसहरू बिजुलीविहीन भए ।एजेन्सी