काठमाडौं– उपत्यकाको बजारमा आज विभिन्न कृषि उपजको थोक मूल्यमा विविधता देखिएको छ। उपलब्ध विवरणअनुसार तरकारी, फलफूल, सागसब्जी, च्याउ, मसला तथा माछाको मूल्य प्रतिकेजीका आधारमा फरक–फरक रहेको छ।

सबैभन्दा महँगोमा पार्सले प्रतिकेजी २ हजार ४ सयदेखि २ हजार ८ सय रुपैयाँसम्म रहेको छ। त्यस्तै सिताके च्याउ ८ सयदेखि १ हजार, कुरिलो ७ सयदेखि ८ सय र पुदीना ६ सयदेखि ७ सय रुपैयाँसम्ममा कारोबार भइरहेको छ।

तरकारीतर्फ स्कुस प्रतिकेजी २० देखि ३० रुपैयाँसम्म रहेको छ भने काक्रो हाइब्रिड १५ देखि २५ रुपैयाँ, चिचिण्डो ३० देखि ४० रुपैयाँ र रातो मूला ३० देखि ४० रुपैयाँसम्म रहेको छ। बोडी १२० देखि १५०, तितो करेला १२० देखि १४० र स्थानीय काउली ११० देखि १३० रुपैयाँसम्म रहेको छ।

फलफूलतर्फ फुजी स्याउ प्रतिकेजी ३०० देखि ३५०, जुम्लाको स्याउ २५० देखि ३५०, मुस्ताङको स्याउ २०० देखि २५०, अनार ३०० देखि ३५० र किवी ३५० देखि ४०० रुपैयाँसम्म रहेको छ। नेपाली केरा दर्जनको १५० देखि २०० रुपैयाँ र मालभोग केरा १०० देखि १५० रुपैयाँसम्म रहेको छ।

माछातर्फ ताजा रहु प्रतिकेजी ३४० देखि ३७०, बचुवा ३०० देखि ३४० र छडी माछा ३२० देखि ३५० रुपैयाँसम्म रहेको छ। सुकेको माछा भने ८०० देखि १ हजार रुपैयाँसम्म रहेको छ।