कोरोना रोकथाम तथा नियन्त्रण गर्न अब सबै पालिकामा स्वास्थ्यकर्मीको टोली खटिने भएको छ । 

सरकारले टोली गठन गरेर सबै स्थानीय तहमा कोरोना भाइरसको रोकथाम तथा नियन्त्रणका लागि खटाउने स्वास्थ्य मन्त्रालयका प्रवक्ता डाक्टर विकास देवकोटाले बताए । 

टोलीमा जनस्वास्थ्य अधिकृत, ल्याब प्रयोगशालाको कर्मचारी र नर्स सम्मिलित तीन जना रहने छन् । 

उनका अनुसार  गाउँपालिकामा एउटा, नगरपालिकामा दुई वटा, उपमाहानगरपालिकामा तीन वटा र महानगरपालिकामा ५ वटा टोली खटाइने छ । 

सो टोलीमा पालिकामा उपलब्ध स्वास्थ्यकर्मीलाई परिचालन गरिने र अपुग भएमा अरु ठाउँबाट पनि खटाइने स्वास्थ्य  मन्त्रालयले जनाएको छ ।

 नेपालमा अहिले ४८ जनालाई कोरोनाको सङ्क्रमण भएको पुष्टि भएको छ भने सक्रमितमध्ये १० जना उपचार पछि निको भएर घर फर्किएका छन् ।