विकास निर्माणमा देखिएन प्रगति, विकास खर्चमा भारी गिरावट

माघ ११, २०७७ | आजको अर्थ
ajaako_artha

काठमाडौं – चालु आर्थिक बर्षको मंसिर महिना सम्ममा संघिय सरकारको खर्च ३ खर्ब २८ अर्ब ४६ करोड पुगेको छ । गत आवको यहि अवधिको तुलनामा यो ९.९ प्रतिशतले बढि हो । 

अर्थ मन्त्रालयको मंसिरसम्मको अर्थ बुलेटीनले यस्तो देखाएको हो । तथ्यांक अनुसार गत आवको सोही अवधिमा २ खर्ब ९८ अर्ब ७० करोड मात्र भएको थियो । संघीय सरकारको कुल खर्च र चालु खर्च बढे पनि पूँजीगत र वित्तिय व्यवस्थापनको खर्च भने घटेको छ । 

चालु आवको समिक्षा अवधिमा चालु खर्च रु. २ खर्ब ८० अर्ब ७४ करोड भएको छ । गत आव सोही अवधिमा २ खर्ब ४६ अर्ब ९२ करोड खर्च भएको थियो । त्यसअनुसार गत बर्षको तुलानामा चालु आवको चालु खर्च १३.७ प्रतिशतले बढेको देखिन्छ । 

त्यस्तै पूँजीगत अर्थात् विकास खर्च ४.४ प्रतिशतले घटेको छ । चालु आवको मंसिर महिना सम्ममा ३५ अर्ब ९४ करोड पूँजीगत खर्च भएको छ । गत आवको सोही अवधिमा ३७ अर्ब ६१ करोड यस्तो खर्च भएका थियो । 

पुँजीगत खर्चलाई आधारमा मान्दा चालु आवको समिक्षा अवधीमा विकास निर्माण कार्यले त्यति गति लिन नसकेको देखिन्छ । कोरोना संक्रमणको जोखिमका कारा विकास निर्माणका कार्यहरु सञ्चालन गर्न कठिनाई भएपछि पुँजीगत खर्चमा सुधार आउन नसकेको मन्त्रालयको भनाइ छ । 

चालु आवको समिक्षा अवधिमा ११ अर्ब ७७ करोड वित्तीय व्यवस्थापन खर्च भएको छ । गत आवको यहि अवधिमा वित्तीय व्यवस्थापन खर्च १४ अर्ब १६ करोड भएको थियो । त्यो अनुसार गत आवको समिक्षा अवधीको तुलनामा १७.१ प्रतिशतले वित्तिय व्यवस्थापन खर्च घटेको देखिन्छ ।
 

कमेन्ट गर्नुहोस्

तपाईंको ईमेल गोप्य राखिनेछ ।

This site is protected by reCAPTCHA and the Google Privacy Policy and Terms of Service apply.

बुलियन मार्केट

विनिमय दर

मुद्राखरिदबिक्री
U.S. Dollar१२२.०३१२२.६३
European Euro१३१.६६१३२.३१
UK Pound Sterling१५०.८७१५१.६१
Swiss Franc१२५.०९१२५.७१
Australian Dollar७७.७८७८.१६
Canadian Dollar८६.९२८७.३५
Singapore Dollar८५.६५८६.०८