काठमाडौं, कारोबारको दोस्रो दिन (सोमबार)  सामान्य अंकले बढेको नेप्से परिसुचक ऐतिहासिक उचाईमा पुगेको छ भने हाल सम्मकै उच्च कारोबार भएको छ ।

सोमबार कारोबारको  अन्तिम समयसम्म आउँदा परिसुचक ३.०५ अंकले बढेर २८२३.०५ को बिन्दुमा पुगेर नयाँ किर्तिमान कायम गरेको छ । 

अन्तिम समयसम्म कारोबारमा आएका २१६ कम्पनीको २ करोड ७१ लाख ४०  हजार २०२ कित्ता शेयर १ लाख ३६ हजार ४९९ पटक किनबेच हुँदा १३ अर्ब १७ करोड ५३ लाख रुपैंया बराबरको कारोबार भएको छ ।

आज हाइड्रोइलेक्ट्रिक इन्भेस्मेन्टको सर्वाधिक कारोबार भएको छ । उक्त कम्पनीको रू. १ अर्ब २६ करोड बराबरको शेयर कारोबार भएको छ । 

दोस्रो घण्टामा कारोबारमा आएका १३ ओटा समूहको परिसूचक मध्ये ५ उपसमुह बढेका छन भने बाँकी ओरालो लागेका हुन ।