काठमाडौं : कानून व्यवसायीको छाता संगठन नेपाल बार एसोसिएसनले आज स्थापना दिवस मनाउँदैछ। ‘स्वतन्त्र न्यायपालिका, प्रविधिमैत्री सेवा: सक्षम कानुन व्यवसायी, पेशागत मर्यादा’ भन्ने नाराका साथ ६८ औँ दिवस मनाउन लागेको हो।

दिवसका अवसरमा एसोसिएसनले शुभकामना आदान–प्रदान तथा चियापानको कार्यक्रम आयोजना गरेको छ । कार्यक्रम काठमाडौंको रामशाहपथस्थित बार एसोसियसनको प्राङ्गणमा बिहान १० बजे शुरु हुने अधिवक्ताले जनाएका छन् । 

एसोसिएशनले प्रत्येक वर्ष पुस ७ गते स्थापना दिवस अर्थात् ‘बार डे’ का अवसरमा चियापन कार्यक्रम गर्दै आएको छ। २०१३ साल पुस ७ गते स्थापना भएको नेपाल बार एसोसियसन हाल देशभरका ८३ भन्दा बढी बार एकाइको साझा संगठन बनेको छ।