सामसुङको ग्यालेक्सी एस–११ फेब्रुअरी १८ मा, फोल्डेबल स्मार्टफोन पनि सार्वजनिक  हुने

मंसिर ३०, २०७६ | आजको अर्थ
ajaako_artha

सामसुङले निकट भविष्यमै बजारमा ल्याउने तयारी गरिरहेको ग्यालेक्सी एस ११ सिरिजका स्मार्टफोनसँग सम्बन्धित केही जानकारीहरु सार्वजनिक भैरहेका छन् पछिल्ला दिनमा । यही बीचमा सामसुङले आफ्नो दोस्रो फोल्डेबल स्मार्टफोनसमेत ल्याउन थालेको खबर आएको छ ।

समाचारअनुसार सामसुङले आगामी फेब्रुअरी १८ मा आफ्नो दोस्रो फोल्डेबल स्मार्टफोन लञ्च गर्ने तयारी गरेको छ । सोही दिनमा सामसुङले आफ्नो फ्लागसीप डिभाइस ग्यालेक्सी एस(११ पनि लञ्च गर्ने विश्वास गरिएको छ ।

दक्षिण कोरियाली कम्पनी सामसुङले बर्सेनि आफ्नो फ्लागसीप एस सिरिजका नयाँ संस्करण मोबाइल वर्ल्ड कंग्रेस ट्रेड शोका क्रममा सार्वजनिक गर्ने गरेको छ । सन् २०२० को मोबाइल वर्ल्ड कंग्रेस २०२० आगामी फेब्रुअरी २४ देखि २७ सम्म हुनेछ । त्यस अगावै सामसुङले फोल्डेबल स्मार्टफोन घोषणा गर्ने र मोबाइल वर्ल्ड कंग्रेसमा सार्वजनिक गर्ने बताइएको छ ।

स्मरण रहोस् गत फेब्रुअरी २० मा सामसुङले आफ्नो ग्यालेक्सी एस १० स्मार्टफोन लञ्च गरेको थियो भने त्यसलाई मोबाइल वर्ल्ड कंग्रेसमा प्रस्तुत गरेको थियो । ग्यालेक्सी एस १० सिरिजसँगै कम्पनीले आफ्नो पहिलो फोल्डेबल स्मार्टफोन ग्यालेक्सी फोल्ड पनि घोषणा गरेको थियो ।

सोही परम्परा पछ्याउँदै आगामी एस ११ सिरिजसँगै सामसुङले आफ्नो दोस्रो फोल्डेबल स्मार्टफोन लञ्च गर्ने अनुमान गरिएको छ । साथै सोही बेला सामसुङले ग्यालेक्सी एयरबडको नयाँ संस्करण पनि ल्याउने अपेक्षा गरिएको छ । उक्त वायरलेस एयरबडको नाम ‘ग्यालेक्सी बड्स प्लस’ हुन सक्नेछ । सामसुङले ग्यालेक्सी एस ११ सिरिजका तीनवटा मोडेल बजारमा ल्याउने बताइएको छ ।

ग्यालेक्सी ११ मा सामसुङको सबैभन्दा पछिल्लो संस्करणको एक्जीनोस ९९० प्रोसेसर हुनेछ । ग्यालेक्सी एस ११ प्लस मोडेलको स्मार्टफोन ६।९ इन्चको डिस्प्लेयुक्त हुनेछ भने त्यसमा केवल फाइभ जी कनेक्टिभिटी रहनेछ ।

हालैको एक समाचार अनुसार ग्यालेक्सी एस ११ सिरिजमा १०८ मेगा पिक्सेलको क्यामरा हुनेछ । उत्कृष्ट फोटोग्राफीका लागि यसमा ब्राइट नाइट सेन्सर हुनेछ जसले कम प्रकाशमा समेत उत्कृष्ट तस्वीर तथा भिडियो खिच्न सहयोग गर्नेछ ।  त्यसका अलावा ५ हजार मिलिएम्पियर आवर क्षमताको ब्याट्रीसमेत हुनेछ ।

कमेन्ट गर्नुहोस्

तपाईंको ईमेल गोप्य राखिनेछ ।

This site is protected by reCAPTCHA and the Google Privacy Policy and Terms of Service apply.

बुलियन मार्केट

विनिमय दर

मुद्राखरिदबिक्री
U.S. Dollar११४.००११४.६०
European Euro१२५.६६१२६.३२
UK Pound Sterling१४९.१८१४९.९७
Swiss Franc११७.५६११८.१८
Australian Dollar७७.२१७७.६२
Canadian Dollar८६.४७८६.९३
Singapore Dollar८४.०४८४.४८