काठमाडौं, बिहीवार कारोबारको तेस्रो घण्टामा नेप्से परिसूचक २२.४० अंकले घटेर २६२७.१९ विन्दुमा पुगेको छ ।
तीन घण्टा सम्ममा कारोबारमा आएका २१४ ओटा कम्पनीले ४ अर्ब ३३ करोड ४४ लाख ४३ हजार बराबरको शेयर कारोबार गरेका छन ।
कारोबारको तेस्रो घण्टामा जनउत्थान सामुदायिक लघुवित्त र खानीखोला हाइड्रोपावरको शेयरमूल्य १० प्रतिशतले बढेको छ । त्यस्तै, महिला लघुवित्त, समता घरेलु लघुवित्त, रु रु जलविद्युत्, लिवर्टी इनर्जी र जोशी हाइड्रोपावरको शेयरमूल्य ९ प्रतिशतभन्दा बढीले वृद्धि भएको छ ।
तेस्रो घण्टामा कारोबारमा आएका १३ ओटा समूहको परिसूचकमध्ये सबै समूहको परिसूचक घट्दा समग्र नेप्से घटेको हो । जसमध्ये व्यापार समूहको परिसूचक २ दशमलव शून्य २ प्रतिशतले घटेको हो ।
यस अवधिसम्म जलविद्युत् लगानी तथा विकास कम्पनीको सर्वाधिक कारोबार भएको छ । उक्त कम्पनीको रू. २९ करोड ६८ लाख बराबरको शेयर कारोबार भएको छ । सो अवधिसम्म कम्पनीको शेयरमूल्य रू. ५११ मा कारोबार भइरहेको छ ।
प्रतिक्रिया