काठमाडौं,  नबिल बैंक लिमिटेडले नयाँ व्याजदर सार्वजनिक गरेको छ । बैंक १ गतेदेखि लागू हुने गरी कर्जा र निक्षेपको नयाँ ब्याजदर सार्वजनिक गरेको हो ।

नयाँ ब्याजदर  अनुसार बैंकले बचत खातामा न्यूनतम ३.०१ प्रतिशतदेखि अधिकतम ३.५१ प्रतिशतसम्म ब्याजदर निर्धारण गरेको छ । 

यस्तै, व्यक्तिगत मुद्दतिमा अधिकतम ७.५१ प्रतिशत ब्याज दिने भनेको छ । ३ महिनाको मुद्दतिको ब्याजदर ५.५१ प्रतिशत निर्धारण गरेको छ । यता, बैंकको असार मसान्तसम्म आधार दर  ५.८६ प्रतिशत रहेको छ । 

बैंकले आधार दरमा ७ प्रतिशत सम्म प्रिमियम थप गरेर कर्जा प्रवाह गर्ने जनाएको छ । स्थिर ब्याजमा घर कर्जाका लागि बैंकले न्यूनतम ८.४९ प्रतिशतदेखि ११ प्रतिशतसम्म ब्याजदरमा कर्जा दिने बताएको छ ।