पहिलोपटक शहीद परिवारलाई वार्षिक २८ अर्ब भन्दा धेरै भत्ता

भदौ २९, २०७८ | प्रमिला भण्डारी
ajaako_artha

राज्यले विभिन्न राजनीतिक आन्दोलनका शहीद परिवारलाई वार्षिक २८ अर्ब भन्दा धेरै रकम भत्तावापत दिने भएको छ । अर्थमन्त्री जनार्दन शर्माले प्रतिस्थापन विधेयकमार्फत राजनीतिक शहीदका परिवारलाई भत्ता दिने राज्यले पहिलोपटक शहीद परिवारलाई सो रकम उपलब्ध गराउने भएको हो । 

अर्थमन्त्री जनार्दन शर्माद्वारा प्रस्तुत प्रतिस्थापन विधेयकको बुँदा १७ मा राजनीतिक परिवर्तनको आन्दोलनमा बलिदान गर्ने परिवारको लागि जीवनवृत्ति बापत मासिक रु.३ हजार प्रदान गर्ने व्यवस्था गरेको घोषणा गरेका थिए । 
नेपालमा माओवादीले सञ्चालन गरेका शसस्त्र युद्धका सहिदको लिष्ट मात्रै करिब ८ हजार छ । जसमध्ये २०६५ पुष ९ गते ६ हजार ३४४ र २०६७ साल असार ९ गते एक हजार ६१९ छन् । यत्तिको मात्रै कूल संख्या करिब ७ हजार ९६३ छ । यसबाहेक विभिन्न समयमा घोषणा गरिएका अन्य शहीद हरुपनि छन् ।  

यही तथ्यांकमात्रै हिसाव गर्दा पनि प्रति परिवार तीन हजारका दरले हिसाब गर्दा मासिक २ अर्ब ३८ करोड ८९ हजार रुपैयाँ भत्ता उपलब्ध हुन्छ। जसको वार्षिक हिसाव २८ अर्ब ६६ करोड ६८ लाख बराबरको हुन आउँछ । 

तर शहीदको संख्या यतिमा मात्रै सिमित हुँदैन । शसस्त्र युद्धमा जीवन बलिदानी दिएका तर शहीद घोषणा नभएका थुप्रै मृतकको परिवार जोडिन सक्ने सत्य निरुपण तथा मेलमिलाप आयोगको भनाइ छ । १० वर्षे द्वन्द्वको समयमा राज्यपक्ष र विद्रोहीपक्ष दुवैतर्फबाट आफ्नो मान्छे मारिएको, बेपत्ता पारिएको र अंगभंग भएको भन्दै आयोगमा हालसम्म कुल ६३ हजार ७१८ मुद्दा दर्ता छन् । 

तत्कालिन नेकपा (माओवादी)को १० वर्षे जनयुद्धका क्रममा १०  औं हजार शहीद बनेपनि अहिले राजनीतिक परिवर्तन र शान्ति प्रकृयापछि उनीहरुलाई विर्षेको आरोप लाग्दै आएको छ । शहीद, बेपत्ता, घाईते, अपाङ्गलाई माओवादीले वेवास्ता गरेको भन्दै चर्को आलोचना हुँदै आएको छ भने उनीहरुमध्ये धेरैका परिवारलाई जीवन निर्वाहमा समेत समस्या छ ।  

त्यसकारण उनीहरुको परिवारको घाउमा मलमपट्टी लगाउने उद्देश्यले सरकारले यो कार्यक्रम ल्याएको बताइएको छ । यसले एकातर्फ जीवन निर्वाहमा पनि मुस्किल भएका शहीदका परिवारलाई केही राहत हुने र अर्कोतर्फ सत्तामा पुगेपछि शहीदलाई विर्षेको आरोपबाट पनि केही हदसम्म मुक्त हुने अबस्था आउने छ । 

शहीद परिवारका लागि भत्ताको घोषणा भएपनि कुन समयका राजनीतिक परिवर्तनको आन्दोलनमा बलिदान गर्ने शहीद परिवारलाई भत्ता दिने भन्नेबारे भने कुनै मोडालिटी भने बनिसकेको छैन । तथापि, सो शीर्षकले सामाजिक सुरक्षा भत्ताको नाममा वार्षिक करिब ३० अर्बमाथिको व्ययभार थपिने अर्थ मन्त्रालयको अनुमान छ ।

कमेन्ट गर्नुहोस्

तपाईंको ईमेल गोप्य राखिनेछ ।

This site is protected by reCAPTCHA and the Google Privacy Policy and Terms of Service apply.

बुलियन मार्केट

विनिमय दर

मुद्राखरिदबिक्री
U.S. Dollar१२२.०३१२२.६३
European Euro१३१.६६१३२.३१
UK Pound Sterling१५०.८७१५१.६१
Swiss Franc१२५.०९१२५.७१
Australian Dollar७७.७८७८.१६
Canadian Dollar८६.९२८७.३५
Singapore Dollar८५.६५८६.०८