कावासाकीले जेट एच २ बाइक प्रदर्शन, पावरफुल इन्जिन र शानदार फिचर

कात्तिक ८, २०७६ | आजको अर्थ
ajaako_artha

कावासाकी कम्पनीले नयाँ स्ट्रिटफाइटर नेकेड बाइक कावासाकी जेट एच २ प्रदर्शन गरेको छ ।

कम्पनीले जापानमा चलिरहेको टोक्यो मोटर शोमा शानदार सुपरचार्ज्ड लाइनअपको नयाँ बाइक प्रदर्शन गरेको हो । 

निन्जा एच २ मा आधारित रहेको सो बाइकमा २०० एचपीको पावरफुल इन्जिन जडान गरिएको छ । 

शानदार फिचर पनि समावेश गरिएको कावासाकी जेट एच२ बाइकको लुक निकै शार्प र एग्रेसिभ रहेको छ । 

बाइकमा जडान गरिएको ह्यान्डलबार, लो माउण्टेड एलईडी हेडलाइट, मस्क्युलर फ्युल ट्यांक, स्प्लिट सिट र ग्रीन कलरमा एक्सपोज्ड टे«लिस फ्रेम सेक्सनले यसलाई स्ट्रिटफाइटर बाइकको लुक दिन्छ । 

बाइकको पछाडिको भागमा इन्टिग्रेटेड जेट प्याटर्न एलईडी टेल ल्याम्प समावेश गरिएको छ ।

सो बाइकमा ९९८ सीसीको सुपरचार्जड इन्जिन जडान गरिएको छ जसले २०० एचपीको पावर र १३७ एनएमको टर्क जेनेरेट गर्छ ।

सो बाइकमा ४ राइडिङ मोड्स स्पोर्ट, रोड, रेन र राइडर समावेश गरिएको छ । बाइकमा ३ पावर मोड फुल ९२००एचपी०, मिड ९१४८एचपी० र लो ९९८एचपी० पनि रहेको छ ।

राइडरले आफूलाई आवश्यक परेको मोड छान्न सकिन्छ । बाइकमा ६ ऐक्सिस आईएमयु, लन्च कन्ट्रोल, ट्रयाक्सन कन्ट्रोल सिस्टम र क्रुज कन्ट्रोल समावेश गरिएको छ ।

सो बाइकमा ब्लुटुथ कनेक्टिभिटीको साथमा फुल डिजिटल कलर टिएफटी एलसीडी इन्स्ट्रयुमेन्ट क्लस्टर रहेको छ जसबाट सबै सेटिङ कन्ट्रोल गर्न सकिन्छ ।

सो बाइकको फ्रन्टमा २९० एमएम ड्युअल डिस्क र रियरमा २२६ एमएम डिस्क ब्रेक जडान गरिएको छ ।

अन्तर्राष्ट्रिय बजारमा सो बाइक चाँडै बिक्री गरिने अनुमान गरिएको छ ।

कमेन्ट गर्नुहोस्

तपाईंको ईमेल गोप्य राखिनेछ ।

This site is protected by reCAPTCHA and the Google Privacy Policy and Terms of Service apply.

बुलियन मार्केट

विनिमय दर

मुद्राखरिदबिक्री
U.S. Dollar११४.०४११४.६४
European Euro१२५.७११२६.३७
UK Pound Sterling१४६.३३१४७.१०
Swiss Franc११४.६०११५.२०
Australian Dollar७७.९८७८.३९
Canadian Dollar८६.०६८६.५१
Singapore Dollar८३.७६८४.२०