काठमाडौँ । नेपाल धितो पत्र बोर्ड अध्यक्षका लागि ‘सर्टलिस्ट’मा परेका ५ जनाले चैत २९ गते (भोली) बिहीबार आफ्ना कार्य योजना प्रस्तुत गर्ने भएका छन् ।
अध्यक्ष छनोट समितिले बिहीबार कार्य योजना प्रस्तुत गर्न प्रतिस्पर्धामा परेका ती ५ जनालाई बोलाएको छ। ५ जनाको कार्य योजना मूल्यांकन गरी उत्कृष्ट ३ जनाको नाम छनोट समितिले मन्त्रिपरिषदमा सिफारिस गर्ने छ।
मन्त्रिपरिषद्मा सिफारिस भएका तीनमध्ये १ जनालाई अध्यक्ष नियुक्त गरिने छ । कृष्णबहादुर कार्की, चिरञ्जीवी चापागाईँ, नवराज अधिकारी, मुक्ति श्रेष्ठ र सन्तोषनारायण श्रेष्ठको नाम ‘सर्टलिस्ट’मा परेको छ।
प्रतिक्रिया