काठमाडौँ - भारत सरकारले घरेलु ग्यास सिलिन्डरको भाउ घटाएको छ । भारतीय प्रधानमन्त्री नरेन्द्र मोदीले १४.२ किलोग्रामको सिलिन्डरको भाउ भारु १०० रुपैयाँ घटाएको घोषणा गरेका हुन् ।
भाउ घटेसँगै दिल्लीमा भारु ८०३, मुम्बईमा ८०२.५, भोपालमा ८०८, कोलकातामा ८२०, जयपुरमा ८०६ र पटनामा ९०१ रुपैयाँमा सिलिन्डर पाइने छ । अन्तर्राष्ट्रिय महिला दिवसको अवसरमा भारत सरकारले सिलिन्डरको भाउ घटाएको हो । भाट घटाएसँगै प्रधानमन्त्री मोदीले भने, ‘यसले नारी शक्तिको जीवन सहज हुनुका साथै करोडौँ परिवारको आर्थिक बोझ पनि कम हुनेछ । यो कदमले पर्यावरण संरक्षणमा पनि मद्धत गर्ने छ । पूरै परिवारको स्वास्थ्य पनि राम्रो हुनेछ ।’यसअघि भारत सरकारले रक्षाबन्धनको अवसरमा घरेलु ग्यासको भाउ २०० रुपैयाँ घटाएको थियो ।
प्रतिक्रिया