काठमाडौं, कारोबारको चौथो दिन (बुधबार) कारोबारको शेयर बजारमा पुन चमक फर्किएको छ । 

आज कारोबारको अन्तिम समयसम्म आउँदा नेप्से परिसूचक ५५.७६ अंकले बढेर २८२७.१२  विन्दुमा पुगेको छ । 

सोही अवधीमा कारोबारमा आएका २१९ ओटा कम्पनीको २ करोड २६ लाख १३ हजार २९ कित्ता शेयर १ लाख १४ हजार २१६ पटक कारोबार हुदाँ रु. ११ अर्ब ३५ करोड १८ लाख  बराबरको शेयर कारोबार भएको छ ।

नेप्सेमा सोही अवधीसम्ममा आज १६२ कम्पनीको शेयरमूल्य बढेको छ भने कम्पनीको १५ शेयरमूल्य घटेको छ । 
५ कम्पनीको मूल्य स्थीर रहेको छ ।

कारोबारमा आएका १३ ओटा समूहको परिसूचकमध्ये म्युचुअल फण्ड समूहको परिसूचक  घटेको छ भने बाँकी बैंकिङ, व्यापार, होटल्स तथा पर्यटन, विकास बैंक, जलविद्युत्, वित्त, निर्जीवन बीमा, उत्पादन तथा प्रशोधन,अन्य, लघुवित्त, जीवन बीमा र लगानी समूहको परिसूचक बढेका छन । 

यस अवधिसम्म नेपाल पुनर्बीमा कम्पनीको सर्वाधिक कारोबार भएको छ । उक्त कम्पनीको रू. १ अर्ब ३७ करोड बराबरको शेयर कारोबार भएको छ ।